ഒറ്റപ്പാലം സ്വകാര്യ ഐടിഐയിൽ സഹപാഠിയുടെ മർദനത്തിൽ വിദ്യാർത്ഥിയുടെ കണ്ണിനും മൂക്കിനും പരിക്ക്

പാലക്കാട്: പാലക്കാട് ഒറ്റപ്പാലം സ്വകാര്യ ഐടിഐയിൽ സഹപാഠിയുടെ ആക്രമണത്തിൽ വിദ്യാർത്ഥിക്ക് ഗുരുതര പരുക്ക്. സാജനാണ് (20) മർദനമേറ്റത്. ക്ലാസ് റൂമിൽ വെച്ച് യാതൊരു പ്രകോപനവുമില്ലാതെ മർദിക്കുകയായിരുന്നുവെന്ന് എഫ്ഐആർ പറയുന്നു. ആക്രമണത്തിൽ സാജൻ്റെ മൂക്കിൻറെ എല്ല് പൊട്ടി.

ഇദ്ദേഹത്തെ തൃശൂരിലെ സ്വകാര്യ ആശുപത്രിയിൽ ചികിത്സയ്ക്ക് പ്രവേശിപ്പിച്ചു. സാജൻ്റെ മൂക്കിനും ഇടതു വശത്തെ കണ്ണിന് താഴെയും ആഴത്തിലുള്ള മുറിവുണ്ട്. സംഭവത്തിൽ സഹപാഠിയായ കിഷോർ (20) നെതിരെ ഒറ്റപ്പാലം പൊലീസ് കേസെടുത്തു. ഫെബ്രുവരി 19 ന് രാവിലെയാണ് സംഭവം നടന്നത്. മർദ്ദനത്തിൻ്റെ സിസിടിവി ദൃശ്യങ്ങൾ പുറത്തുവന്നു.