തിരുവനന്തപുരത്ത് സ്വന്തം വീടിന് തീയിട്ട് യുവാവ്

തിരുവനന്തപുരം : തിരുവനന്തപുരം വെള്ളറടയിൽ വീടിന് തീയിട്ട് യുവാവ്.വെള്ളറട സ്വദേശി ആൻ്റോ (30 ) എന്ന യുവാവാണ് സ്വന്തം വീട് അഗ്നിക്കിരയാക്കിയത്.ആനപ്പാറ ഹോമിയോ ആശുപത്രിക്ക് സമീപമായിരുന്നു ഇയാളുടെ വീട്.

രാവിലെ അമ്മ ബ്രിജിറ്റിനെ സഹോദരിയുടെ വീട്ടിലെത്തിച്ച ശേഷം മടങ്ങിയെത്തിയ ആൻ്റോ കല്ലുകൊണ്ട് വീട് എറിഞ്ഞു തകർക്കാനും തുണികളും പ്ലാസ്റ്റിക്കും കൂട്ടിയിട്ട് വീട് കത്തിക്കാൻ ശ്രമിക്കുകയുമായിരുന്നു.

സംഭവത്തിൽ മുറിയിലുണ്ടായിരുന്ന കട്ടിലടക്കമുള്ള സാധനങ്ങൾ കത്തി നശിച്ചിട്ടുണ്ട്. ഇയാൾ മാനസികരോഗം ഉണ്ടെന്ന് നാട്ടുകാർ പറയുന്നു. സംഭവ സമയത്ത് വീട്ടിൽ ആളുകൾ ഇല്ലാത്തതിനാൽ വലിയ ദുരന്തം ഒഴിവായി.