വർക് ഷോപ്പ് ജീവനക്കാരന് പമ്പ് ഉടമയുടെ ക്രൂരമർദ്ദനം

തിരുവനന്തപുരം : തിരുവനന്തപുരം നന്ദിയോട് വർക്ക്ഷോപ്പ് ജീവനക്കാരന് പമ്പ് ഉടമയുടെ ക്രൂരമർദ്ദനം. മർദനത്തിന്റെ സി സി ടിവി ദൃശ്യങ്ങൾ പുറത്ത് വന്നു.

ചൊവ്വാഴ്ചയാണ് നന്ദിയോടുള്ള വർക് ഷോപ്പിന് പരിസരത്ത് വച്ച് ജീവക്കാരനെ പമ്പ് ഉടമ ക്രൂരമായി മർദ്ദിച്ചത്. ട്രാവലർ പാർക്കിങ്ങിനെ ചൊല്ലിയുള്ള തർക്കമാണ് മർദ്ദനത്തിൽ കലാശിച്ചതെന്ന് ജീവനക്കാരൻ അഖിൽജിത്ത് പറയുന്നു.

മർദ്ദനമേറ്റ അഖിൽ ജിത്ത് പമ്പുടമ മിഥുനെതിരെ പാലോട് പൊലീസിൽ പരാതി നൽകി.പരാതി നൽകിയിട്ടും പൊലീസ് കേസെടുക്കുന്നില്ലെന്ന് അഖിൽ ജിത്ത് ആരോപിച്ചു.