മാസപ്പിറവി ദൃശ്യമായി; ഗള്‍ഫ് രാജ്യങ്ങളില്‍ നാളെ മുതല്‍ റമദാന്‍ വ്രതാരംഭം

റിയാദ്: മാസപ്പിറവി ദൃശ്യമായതോടെ ഗള്‍ഫ് രാജ്യങ്ങളില്‍ നാളെ റമദാന് തുടക്കമാവും. സൗദി അറേബ്യയിലും ഒമാനിലുമാണ് മാസപ്പിറവി ദൃശ്യമായത്. ഈ വര്‍ഷം ഗള്‍ഫ് രാജ്യങ്ങള്‍ ഒരുമിച്ചാണ് റമദാന്‍ ആരംഭിക്കുന്നത്. സൗദി അറേബ്യ, ഒമാന്‍, യുഎഇ, കുവൈറ്റ്, ബഹ്‌റൈന്‍, ഖത്തര്‍ തുടങ്ങിയ ഗള്‍ഫ് രാജ്യങ്ങളില്‍ നാളെ മുതല്‍ റമദാന്‍ വ്രതാനുഷ്ഠാനം ആരംഭിക്കും.

റമദാനില്‍ റിയാദ് മെട്രോക്കും ബസ് സര്‍വീസുകള്‍ക്കും പുതിയ സമയക്രമം. വെള്ളിയാഴ്ച ഒഴികെയുള്ള എല്ലാ ദിവസങ്ങളിലും റിയാദ് മെട്രോ രാത്രി 2 മണി വരെയും ബസുകള്‍ പുലര്‍ച്ചെ 3 മണി വരെയും സര്‍വീസ് നടത്തും. വെള്ളിയാഴ്ചകളില്‍ ഉച്ചയ്ക്ക് 12 മണിക്ക് ശേഷം മാത്രമേ റിയാദ് മെട്രോ സര്‍വീസ് നടത്തൂ. ഇത് പുലര്‍ച്ചെ മൂന്ന് മണി വരെ തുടരുകയും ചെയ്യും.