ആഗോള വിൽപ്പനയിൽ റെക്കോർഡ് നേട്ടം;2024-ൽ ഒരു ലക്ഷം യൂണിറ്റ് വിറ്റ് ട്രയംഫ് മോട്ടോർസൈക്കിൾസ്

2024-ൽ ആഗോള വിൽപ്പനയിൽ റെക്കോർഡ് നേട്ടം കൈവരിച്ചതായി റിപ്പോർട്ട്. 100,000 യൂണിറ്റിലധികം ഇരുചക്ര വാഹനങ്ങൾ വിറ്റ് ലോകമെമ്പാടുമുള്ള എല്ലാ മേഖലകളിലും ട്രയംഫിന്റെ വിൽപ്പന ഉയർന്നു. 2024 ൽ ലോകമെമ്പാടുമുള്ള ഉപഭോക്താക്കൾക്ക് മൊത്തത്തിൽ, 134,635 ട്രയംഫ് മോട്ടോർസൈക്കിളുകൾ വിറ്റു. കമ്പനിയുടെ 122 വർഷത്തെ ചരിത്രത്തിൽ ആദ്യമായിട്ടാണ് ഈ നാഴികക്കല്ല് മറികടന്നത്.

ട്രയംഫിന്റെ വിൽപ്പന ലോകമെമ്പാടുമുള്ള എല്ലാ മേഖലകളിലും വർദ്ധിച്ചു. ഏറ്റവും വലിയ വളർച്ച കൈവരിച്ചത് ഇന്ത്യയിലാണ്. ട്രയംഫ് ഇന്ത്യയുടെ വിൽപ്പന 29,736 ആയി. ബ്രസീൽ, കാനഡ, തുടങ്ങിയ ഉൾപ്പെടുന്ന അമേരിക്കൻ മേഖലയിൽ 2023 നെ അപേക്ഷിച്ച് 44 ശതമാനം വിൽപ്പന വർധനയുണ്ടായി. വിൽപ്പനയിൽ 33% വളർച്ചയും ഏഷ്യയിൽ 30% വളർച്ചയും യൂറോപ്യൻ വിപണികളിൽ 18% വളർച്ചയും നേടിയ വിതരണക്കാരുടെ വിപണികളിലും ഇത് പ്രതിഫലിച്ചു.

അതേസമയം അഞ്ചാം വർഷമാണ് മോട്ടോർ സൈക്കിൾ വിൽപ്പനയിൽ സർവകാല റെക്കോർഡ് കൈവരിക്കുന്നത്. 2019 മുതൽ ട്രയംഫ് മോട്ടോർസൈക്കിളുകളുടെ വിൽപ്പന 123% വർദ്ധിച്ചു. എല്ലാ വിപണികളിലും വളർച്ച കൈവരിക്കാൻ സാധിച്ചു. ബ്രസീൽ, ഇറ്റലി, ജപ്പാൻ, തുർക്കി, ഹംഗറി, പോളണ്ട്, മെക്സിക്കോ, ഇന്ത്യ എന്നിവിടങ്ങളിൽ മികച്ച വളർച്ച കൈവരിക്കാൻ സാധിച്ചതായാണ് റിപ്പോർട്ട്.