ഫഡ്‌നാവിസിനെ ആക്രമിക്കും ; ഭീഷണി സന്ദേശം പാകിസ്ഥാൻ നമ്പറിൽ നിന്ന്

മുംബൈ: മുഖ്യമന്ത്രി ദേവേന്ദ്ര ഫഡ്‌നാവിസിന്റെ ഓഫീസ് ആക്രമിക്കുമെന്ന് ഭീഷണി. മുംബൈ പോലീസിന്റെ ട്രാഫിക് വിഭാഗത്തിന് വാട്ട്‌സ്ആപ്പിൽ ആണ് ഭീഷണി സന്ദേശം ലഭിച്ചത്. പോലീസ് ഉടൻ തന്നെ കേസ് രജിസ്റ്റർ ചെയ്ത് അന്വേഷണം ആരംഭിച്ചു.

ഒരു പാകിസ്ഥാൻ നമ്പറിൽ നിന്നാണ് സന്ദേശം ലഭിച്ചതെന്നും, മുഖ്യമന്ത്രിയുടെ ഓഫീസ് ആക്രമിക്കാൻ അയൽരാജ്യത്ത് നിന്ന് ഗൂഢാലോചന നടന്നതായി സംശയിക്കുന്നതായും പോലീസ് വൃത്തങ്ങൾ അറിയിച്ചു. സന്ദേശം അയച്ചയാളുടെ പേര് മാലിക് ഷഹബാസ് ഹുമയൂൺ രാജ ദേവ് എന്നാണ്.ഭീഷണിയെത്തുടർന്ന്, മുഖ്യമന്ത്രി ഫഡ്‌നാവിസിന്റെ സുരക്ഷ പോലീസ് വർദ്ധിപ്പിച്ചു. മുൻകരുതൽ നടപടിയായി മുഖ്യമന്ത്രിയുടെ ഓഫീസിനും മറ്റ് പ്രധാന സർക്കാർ കെട്ടിടങ്ങൾക്കും ചുറ്റും സുരക്ഷ വർദ്ധിപ്പിച്ചിട്ടുണ്ടെന്ന് ഉദ്യോഗസ്ഥർ ഉറപ്പ് നൽകി.