നിരവധി പുതിയ സവിശേഷതകൾ: വരുന്നൂ പുതുക്കിയ റെനോ കിഗർ ഫെയ്‌സ്‌ലിഫ്റ്റ്

കിഗർ സബ്‌കോംപാക്റ്റ് എസ്‌യുവിയുടെ പുതുക്കിയ പതിപ്പ് ആദ്യമായി പരീക്ഷണയോട്ടത്തിനിടെ കണ്ടെത്തി. ഔദ്യോഗിക ലോഞ്ച് തീയതി ഇതുവരെ പ്രഖ്യാപിച്ചിട്ടില്ലെങ്കിലും, ഈ വർഷം അവസാനത്തോടെ മോഡൽ എത്തുമെന്നാണ് റിപ്പോർട്ട്. പരീക്ഷണയോട്ടത്തിൽ ഉപയോഗിച്ച വാഹനം അതിന്റെ ഡിസൈൻ വിശദാംശങ്ങൾ ഭൂരിഭാഗവും മറച്ചുവെച്ചിരുന്നു.

നിലവിലെ മോഡലിലെ അതേ സ്പ്ലിറ്റ് ഹെഡ്‌ലാമ്പുകൾ, അലോയ് വീലുകൾ, സി ആകൃതിയിലുള്ള ടെയിൽലാമ്പുകൾ തുടങ്ങിയവ ടെസ്റ്റ് വാഹനം സ്പൈ ചിത്രങ്ങളിൽ കാണാം. 2025 റെനോ കിഗർ ഫെയ്‌സ്‌ലിഫ്റ്റിന്റെ ഇന്റീരിയർ മെച്ചപ്പെട്ട മെറ്റീരിയൽ ഗുണനിലവാരവും പുതിയ അപ്ഹോൾസ്റ്ററിയും ഉപയോഗിച്ച് അപ്‌ഡേറ്റ് ചെയ്‍തേക്കും. എസ്‌യുവിയെ നിരവധി പുതിയ സവിശേഷതകളാൽ സജ്ജീകരിക്കാനും സാധ്യതയുണ്ട്.

ഇപ്പോഴുള്ള മോഡലിന്റെ സ്റ്റാൻഡേർഡ് ഫീച്ചർ കിറ്റിൽ 3.5 ഇഞ്ച് എൽസിഡി എംഐഡി ഡിസ്‌പ്ലേ, മുന്നിലും പിന്നിലും 12 വി പവർ ഔട്ട്‌ലെറ്റ്, ഫ്രണ്ട് സെന്റർ ആംറെസ്റ്റ്, മടക്കാവുന്ന പിൻ സീറ്റുകൾ, ഫ്രണ്ട് പവർ വിൻഡോകൾ, ഹീറ്ററുള്ള മാനുവൽ എസി, ഡ്യുവൽ ഫ്രണ്ട് എയർബാഗുകൾ, റിയർ പാർക്കിംഗ് സെൻസറുകൾ, ഇബിഡിയുള്ള എബിഎസ്, ഡ്രൈവർക്കും ഫ്രണ്ട് പാസഞ്ചറിനും സീറ്റ് ബെൽറ്റ് റിമൈൻഡർ തുടങ്ങിയ ഫീച്ചറുകൾ ഉൾപ്പെടുന്നു..