ലോകത്തിലെ ഏറ്റവും ഉയരം കൂടിയ ബുർജ് ഖലീഫയ്ക്ക് മുകളിൽ നിന്നും താഴേക്ക് ചാടി 31 പേർ

ദുബൈ: ലോകത്തിലെ ഏറ്റവും ഉയരം കൂടിയ ബുർജ് ഖലീഫയിൽ നിന്ന് താഴേക്ക് ചാടി 31 അത്ലറ്റുകൾ. വീഡിയോ പങ്കുവെച്ച് ദുബൈ കിരീടാവകാശിയും ഉപപ്രധാനമന്ത്രിയും പ്രതിരോധ മന്ത്രിയുമായ ശൈഖ് ഹംദാൻ ബിന്‍ മുഹമ്മദ് ബിന്‍ റാഷിദ് അല്‍ മക്തൂം. ത​ന്റെ ഔദ്യോഗിക അക്കൗണ്ടിലൂടെയാണ് ശൈഖ് ഹംദാൻ വീഡിയോ പങ്കുവെച്ചത്. ഒരു മണിക്കൂറിനുള്ളില്‍ 10 ലക്ഷം പേരാണ് ശൈഖ് ഹംദാന്‍റെ അക്കൗണ്ടില്‍ ഈ വീഡിയോ കണ്ടത്. സോഷ്യൽ മീഡിയയില്‍ ഈ വീഡിയോ വളരെ വേഗം വൈ​റ​ലാ​യി.

ബുര്‍ജ് ഖലീഫയുടെ 130-ാം നിലയില്‍ പ്രത്യേകം സജ്ജീകരിച്ച 12 മീറ്റര്‍ പ്ലാറ്റ്‍ഫോമിൽ നിന്നാണ് അത്ലറ്റുകള്‍ താഴേക്ക് ചാടിയത്. ദു​ബൈ ഇ​ക്ക​ണോ​മി ആ​ൻ​ഡ് ടൂ​റി​സം വ​കു​പ്പ്, സ്കൈ​ഡൈ​വ് ദു​ബൈ, ഇ​മാ​ർ എ​ന്നി​വ​യു​മാ​യി സ​ഹ​ക​രി​ച്ച്​ ‘എ​ക്സ് ദു​ബൈ’​യാ​ണ്​ പ​രി​പാ​ടി സം​ഘ​ടി​പ്പി​ച്ചി​രി​ക്കു​ന്ന​ത്. ‘എ​ക്സി​റ്റ്​ 139’ എ​ന്ന് ​പേ​രി​ട്ട ഈ ​പ​രി​പാ​ടി​യി​ൽ ലോ​ക​ത്തി​ലെ ഏ​റ്റ​വും മി​ക​ച്ച ബേ​സ് ജം​പ​ർ​മാ​രാ​ണ്​ പ​​ങ്കെ​ടു​ത്തത്.