കോയമ്പത്തൂരിൽ മോഷണത്തിനിടെ യുവതിയെ കൊലപ്പെടുത്തി; രണ്ടുപേര്‍ പിടിയിൽ

കഴിഞ്ഞ 30-നായിരുന്നു സംഭവം.  ഫിസിയോതെറാപ്പിസ്റ്റായ, മലുമിച്ചാംപട്ടി അംബേദ്കര്‍ നഗറില്‍ ധനലക്ഷ്മിയെ (37) കൊലപ്പെടുത്തിയ കേസിലാണ് അറസ്റ്റ്.

സംഭവസമയത്ത് ധനലക്ഷ്മി വീട്ടില്‍ തനിച്ചായിരുന്നു. വീട്ടില്‍ കടന്ന ഇരുവരും ധനലക്ഷ്മിയെ കഴുത്തുഞെരിച്ചു കൊലപ്പെടുത്തുകയും എട്ടുപവൻ ആഭരണവുമായി രക്ഷപ്പെടുകയുമായിരുന്നെന്നു പൊലീസ് പറഞ്ഞു.

സി.സി.ടി.വി. ദൃശ്യങ്ങളുടെ സഹായത്തോടെ പൊലീസിന്റെ അഞ്ച് ടീമുകള്‍ നടത്തിയ അന്വേഷണത്തിലാണു പ്രതികളെ അറസ്റ്റുചെയ്തത്. ഇരുവരെയുംകോടതിയില്‍ ഹാജരാക്കി റിമാൻഡുചെയ്തു.