വീടുകയറി അതിക്രമം ; രണ്ട് പ്രതികൾ അറസ്റ്റിൽ

പത്തനംതിട്ട : വീടുകയറി അതിക്രമം നടത്തിയ കേസിൽ രണ്ടുപേരെ പത്തനംതിട്ട പൊലീസ് അറസ്റ്റുചെയ്തു.പ്രമാടം മല്ലശേരി ളാക്കൂർ മണിമല കിഴക്കേതിൽ വീട്ടിൽ ജോബിൻ കുഞ്ഞുമോൻ (36), വള്ളിക്കോട് വാഴമുട്ടം കിഴക്ക് വിളയിൽ വീട്ടിൽ ഷാജി ജോസഫ് (44) എന്നിവരാണ് പിടിയിലായത്.

വാഴമുട്ടം പന്തലാടി മണക്കൂപ്പ കുറ്റിച്ചിറ ഷാന്റോ വില്ലയിൽ സ്റ്റെഫി സാബുവിന്റെ ഭാര്യ ഷിന്റ മേരി ഉമ്മനാണ് പത്തനംതിട്ട പൊലീസിൽ പരാതി നൽകിയത്.ഇവരുടെ പിതാവ്, പ്രതികൾ പച്ചമണ്ണ് അനധികൃതമായി നടത്തുന്നത് സംബന്ധിച്ച് പൊലീസിൽ അറിയിച്ചതിലെ വിരോധം കാരണം, വെള്ളിയാഴ്ച്ച വൈകിട്ട് നാലരയ്ക്ക് വീടിന്റെ പറമ്പിൽ അതിക്രമിച്ചുകയറി, പിതാവിനെ ഉപദ്രവിക്കാൻ ശ്രമിച്ചത്.