കൊലക്കേസ് പ്രതി കഞ്ചാവുമായി അറസ്റ്റിൽ

ആര്യനാട്: കൊലക്കേസ് പ്രതി ഉൾപ്പെടെ രണ്ടുപേർ 1.16 കിലോ കഞ്ചാവുമായി ആര്യനാട് എക്സൈസിന്റെ പിടിയിലായി. നിരവധി എൻ.ഡി.പി.എസ് കേസുകളിലെ പ്രതിയായ കൊണ്ണിയൂർ സ്വദേശി വിലങ്ങൻ ഷറഫ് എന്ന ഷറഫുദീൻ(56), കൊലക്കേസിൽ പ്രതിയായ പുനലാൽ മാതളംപാറ സ്വദേശി ഉദയൻ എന്ന് വിളിക്കുന്ന ഉദയലാൽ(53)എന്നിവരാണ് അറസ്റ്റിലായത്.

കൊണ്ണിയൂർ ചക്കിപ്പാറ ജംഗ്ഷനു സമീപം ഓട്ടോറിക്ഷയിൽ വില്പനയ്ക്കായി കടത്തിക്കൊണ്ടുവന്നതാണ് കഞ്ചാവ്. വെള്ളനാട്, പുനലാൽ ഭാഗങ്ങളിൽ ചില്ലറ വില്പനയ്ക്ക് കഞ്ചാവ് എത്തിക്കുന്ന സംഘത്തിലെ പ്രധാനികളാണ് പിടിയിലായവർ.