“ഇലക്‌ട്രോണിക് വോട്ടിംഗ് മെഷീനുകളില്‍ കൃത്രിമം നടത്താനാകില്ല”; കോൺഗ്രസിന് മറുപടിയുമായി തിരഞ്ഞെടുപ്പ് കമ്മീഷൻ

രാജ്യത്തെ തിരഞ്ഞെടുപ്പുകളില്‍ നിലവില്‍ ഉപയോഗിക്കുന്ന വോട്ടിംഗ് മെഷീനുകള്‍ക്ക് രൂപം കൊടുത്തത് അന്നത്തെ കേന്ദ്രസര്‍ക്കാരാണ്. നിലവിലെ ശക്തമായ നിയമചട്ടക്കൂടുകള്‍ക്ക് ഉള്ളില്‍ നിന്ന് കൊണ്ടാണ് ഇവ ഉപയോഗിക്കുന്നത്. ഇലക്‌ട്രോണിക് വോട്ടിംഗ് മെഷീനുകള്‍ക്കുള്ളില്‍ മൈക്രോ കണ്‍ട്രോളര്‍ കാര്‍ഡുകള്‍ ഉണ്ട്. ഏതെങ്കിലും തരത്തിലുള്ള കൃത്രിമം കാണിക്കാൻ ശ്രമിച്ചാല്‍ ഉടനെ തന്നെ യന്ത്രം പ്രവര്‍ത്തനരഹിതമാകും.

നിലവിലെ സംവിധാനങ്ങളുടെ പരിധിയില്‍ നിന്നുകൊണ്ട് തിരഞ്ഞെടുപ്പ് സുതാര്യമാക്കാൻ സാധ്യമായ എല്ലാ കാര്യങ്ങളും ചെയ്തിട്ടുണ്ട്. വിവിപാറ്റുകള്‍, വോട്ടിംഗ് മെഷീനുകള്‍ തുടങ്ങിയവ ഉപയോഗിച്ച്‌ നടത്തിയ തിരഞ്ഞെടുപ്പ് ഫലങ്ങള്‍ അടിസ്ഥാനമാക്കിയാല്‍ അവ ഉപയോഗിക്കുന്നതില്‍ പൂര്‍ണ വിശ്വാസമുണ്ട്. വോട്ടിംഗ് യന്ത്രങ്ങള്‍ക്ക് തകരാര്‍ സംഭവിക്കാമെങ്കിലും, അതൊരിക്കലും ഒരു സ്ഥാനാര്‍ത്ഥിക്ക് അനുകൂലമായ രീതിയിലേക്ക് ഉപയോഗിക്കാൻ സാധിക്കില്ലെന്നും തിരഞ്ഞെടുപ്പ് കമ്മീഷൻ നല്‍കിയ മറുപടി കത്തില്‍ പറയുന്നു.