ക്ഷേ​ത്ര പൂ​ജാ​ദി​ക​ർ​മ​ങ്ങ​ളി​ൽ അ​ര​ളി​പ്പൂ​വി​ന് ത​ൽ​ക്കാ​ലം വി​ല​ക്കേ​ർ​പ്പെ​ടു​ത്തേ​ണ്ട​തി​ല്ല; തി​രു​വി​താം​കൂ​ർ ദേ​വ​സ്വം ബോ​ർ​ഡ്‍

തി​രു​വ​ന​ന്ത​പു​രം: ക്ഷേ​ത്ര പൂ​ജാ​ദി​ക​ർ​മ​ങ്ങ​ളി​ൽ അ​ര​ളി​പ്പൂ​വി​ന് ത​ൽ​ക്കാ​ലം വി​ല​ക്കേ​ർ​പ്പെ​ടു​ത്തേ​ണ്ട​തി​ല്ലെ​ന്ന് തി​രു​വി​താം​കൂ​ർ ദേ​വ​സ്വം ബോ​ർ​ഡ്‍. പൂ​വി​നെ​തി​രാ​യ വാ​ർ​ത്ത​ക​ൾ ശ്ര​ദ്ധ​യി​ൽ​പ്പെ​ട്ടി​ട്ടു​ണ്ടെ​ന്നും എ​ന്നാ​ൽ, പൂ​വി​ൽ വി​ഷാം​ശം ഉ​ണ്ടെ​ന്ന ശാ​സ്ത്രീ​യ​മാ​യ ഒ​രു റി​പ്പോ​ർ​ട്ടും കി​ട്ടാ​ത്ത സാ​ഹ​ച​ര്യ​ത്തി​ലാ​ണ് താ​ൽ​ക്കാ​ലം വി​ല​ക്കേ​ർ​പ്പെ​ടു​ത്തേ​ണ്ട​തി​ല്ലെ​ന്ന് തീ​രു​മാ​നി​ച്ച​തെ​ന്നും പ്ര​സി​ഡ​ൻറ് പി.​എ​സ്. പ്ര​ശാ​ന്ത് പ​റ​ഞ്ഞു.

ദി​വ​സ​ങ്ങ​ൾ​ക്കു മു​മ്പാ​ണ് ഹ​രി​പ്പാ​ട് സ്വ​ദേ​ശി സൂ​ര്യ സു​രേ​ന്ദ്ര​ൻ നെ​ടു​മ്പാ​ശ്ശേ​രി വി​മാ​ന​ത്താ​വ​ള​ത്തി​ൽ കു​ഴ​ഞ്ഞു വീ​ണു മ​രി​ച്ച​ത്. അ​ര​ളി​യു​ടെ ഇ​ല​യോ പൂ​വോ നു​ള്ളി വാ​യി​ലി​ട്ടു ച​വ​ച്ച​തു മൂ​ല​മാ​ണു മ​ര​ണ​മെ​ന്നാ​ണു പ്രാ​ഥ​മി​ക നി​ഗ​മ​നം. വ​ന​ഗ​വേ​ഷ​ണ കേ​ന്ദ്ര​വും അ​ര​ളി​യി​ൽ വി​ഷ​മു​ണ്ടെ​ന്നു ക​ണ്ടെ​ത്തി​യി​രു​ന്നു. ശ​രീ​ര​ത്തി​ൽ എ​ത്ര അ​ള​വി​ൽ ചെ​ല്ലു​ന്നു എ​ന്ന​തി​നെ ആ​ശ്ര​യി​ച്ചാ​യി​രി​ക്കും വി​ഷം ബാ​ധി​ക്കു​ക. ആ​ന്ത​രി​ക അ​വ​യ​വ​ങ്ങ​ളു​ടെ ഫോ​റ​ൻസി​ക് പ​രി​ശോ​ധ​നാ ഫ​ലം കൂ​ടി പു​റ​ത്ത് വ​ന്നാ​ലെ മ​ര​ണ​കാ​ര​ണം അ​ന്തി​മ​മാ​യി വ്യ​ക്ത​മാ​കൂ. പൂ​വി​ൽ വി​ഷാം​ശ​മു​ണ്ടെ​ന്ന്​ സ​ർക്കാ​റോ ആ​രോ​ഗ്യ​വ​കു​പ്പോ റി​പ്പോ​ർ​ട്ട്​ ന​ൽ​കി​യി​ട്ടി​ല്ല.

ആ​ധി​കാ​രി​ക​മാ​യി അ​റി​യി​പ്പ് കി​ട്ടി​യാ​ൽ പൂ​വ് ഒ​ഴി​വാ​ക്കും. ഇ​തു​സം​ബ​ന്ധി​ച്ച് ആ​രോ​ഗ്യ​വ​കു​പ്പി​നും സ​ർ​ക്കാ​റി​നും ക​ത്ത് ന​ൽ​കും. പൂ​ജ വി​ഷ​യം ആ​യ​തി​നാ​ൽ ബ​ദ​ൽ മാ​ർ​ഗം ത​ന്ത്രി​മാ​രു​മാ​യി ആ​ലോ​ചി​ക്കേ​ണ്ടി​വ​രു​മെ​ന്നും പി.​എ​സ്. പ്ര​ശാ​ന്ത് പ​റ​ഞ്ഞു. അ​ര​ളി​പ്പൂ സം​ബ​ന്ധി​ച്ച പ്ര​ചാ​ര​ണ​ങ്ങ​ൾ ആ​റു​മാ​സം മു​മ്പും ശ്ര​ദ്ധ​യി​ൽ​പ്പെ​ട്ടി​രു​ന്നു. നി​വേ​ദ്യ​ത്തി​ൽ ഇ​പ്പോ​ൾ ക്ഷേ​ത്ര​ങ്ങ​ളി​ൽ അ​ര​ളി​പ്പൂ ഉ​പ​യോ​ഗി​ക്കു​ന്നി​ല്ലെന്നും പ്ര​ശാ​ന്ത് വ്യ​ക്ത​മാ​ക്കി.