താരങ്ങളുടെ സംരക്ഷണം ശ്രീശാന്ത് ഏറെടുക്കേണ്ട; വിമർശനവുമായി കെ.സി.എ

തിരുവനന്തപുരം: മുന്‍ ഇന്ത്യന്‍ താരം എസ് ശ്രീശാന്തിനെതിരെ രൂക്ഷ വിമര്‍ശനവുമായി കേരള ക്രിക്കറ്റ് അസോസിയേഷന്‍ (കെസിഎ). ശ്രീശാന്തിന് കാരണം കാണിക്കല്‍ നോട്ടീസ് നല്‍കിയത് സഞ്ജു സാംസണെ പിന്തുണച്ചതിനല്ലെന്ന് കെസിഎ വ്യക്തമാക്കി. അസോസിയേഷനെതിരെ അപകീര്‍ത്തികരമായ പ്രസ്താവന നടത്തിയതിനാണ് നോട്ടീസ് നല്‍കിയതെന്നും കെസിഎ വിശദീകരണം.

ഏറെ വിവാദമായ വാതുവയ്പ് കേസില്‍ ശ്രീശാന്ത് കുറ്റ വിമുക്തനായിട്ടില്ല. എന്നിട്ടും രഞ്ജി ട്രോഫിയില്‍ കളിക്കാന്‍ അവസരം നല്‍കി. ശ്രീശാന്തിന് കേരള ക്രിക്കറ്റിനെക്കുറിച്ച് അറിയില്ല. സഞ്ജുവിന് ശേഷം കേരളത്തില്‍ നിന്ന് ആര് ഇന്ത്യന്‍ ടീമിലെത്തി എന്ന ചോദ്യം അപഹാസ്യമാണ്. കെസിഎയിലെ താരങ്ങളുടെ സംരക്ഷണം ശ്രീശാന്ത് ഏറെടുക്കേണ്ട. കെസിഎയ്‌ക്കെതിരെ അപകീര്‍ത്തികരമായി ആര് പറഞ്ഞാലും മുഖംനോക്കാതെ നടപടിയെന്നും കെസിഎ.