പതിനാലുകാരന് നേരേ ലൈംഗികാതിക്രമം: യുവാവ് അറസ്റ്റിൽ

റാന്നി: പതിനാലുകാരന് നേരേ ലൈംഗികാതിക്രമം നടത്തിയ യുവാവ് അറസ്റ്റിൽ. വടശ്ശേരിക്കര കാവില്‍ വീട്ടില്‍ അനീഷ് ( ബോണ്ട അനീഷ് 43) നെയാണ് പെരുനാട് പൊലീസ് അറസ്റ്റ് ചെയ്തത്. സുഹൃത്തിന്റെ മകന് നേരെയാണ് പ്രതി അതിക്രമം നടത്തിയത്.

2 വർഷം മുമ്പ് സ്കൂൾ അവധി സമയത്ത് ലൈംഗിക ഉദ്ദേശത്തോടുകൂടി കുട്ടിയുടെ വീട്ടില്‍ അതിക്രമിച്ചു കയറി ലൈംഗിക അതിക്രമം നടത്തുകയായിരുന്നു. പീഡനത്തിനും പോക്സോ നിയമത്തിലെ ബന്ധപ്പെട്ട വകുപ്പുകള്‍ പ്രകാരവുമാണ് കേസ്.

കഴിഞ്ഞ ദിവസമാണ് കുട്ടി പൊലീസിന് മൊഴി നല്‍കിയത്. കേസ് രജിസ്റ്റര്‍ ചെയ്തതിനെ തുടര്‍ന്ന് മണിക്കൂറുകള്‍ക്കുള്ളില്‍ പ്രതിയെ പെരുനാട് പൊലീസ് കസ്റ്റഡിയിലെടുത്തു. വിശദമായ ചോദ്യം ചെയ്യലിനുശേഷം കുറ്റം സമ്മതിച്ച പ്രതിയുടെ അറസ്റ്റ് രേഖപ്പെടുത്തി. കോടതിയില്‍ ഹാജരാക്കിയ ഇയാളെ റിമാന്‍ഡ് ചെയ്തു.