കെഎസ്ആര്‍ടിസി ബസില്‍ കടത്തിയ ഏഴുകിലോ കഞ്ചാവ് പിടികൂടി

കൊല്ലം: തെന്മല എക്‌സൈസ് ചെക്ക് പോസ്റ്റില്‍ നടത്തിയ പരിശോധനയിൽ ഏഴുകിലോ കഞ്ചാവ് പിടികൂടി. കെഎസ്ആര്‍ടിസി ബസില്‍ കടത്തിയ കഞ്ചാവാണ് പിടികൂടിയത്. വര്‍ക്കല താലൂക്കിലെ കൊടുവൂര്‍ചിറ സ്വദേശിയായ തൗഫീഖിനെ (25) എക്‌സൈസ് അറസ്റ്റ് ചെയ്തു. കെഎസ്ആര്‍ടിസിയുടെ തെങ്കാശി – കൊല്ലം അന്തര്‍ സംസ്ഥാന ബസില്‍ നിന്നാണ് കഞ്ചാവ് പിടികൂടിയത്.

കഴിഞ്ഞ കുറച്ചു ദിവസങ്ങളായി ആര്യങ്കാവ് ചെക്‌പോസ്റ്റില്‍ പൊലീസും എക്‌സൈസും ഒക്കെത്തന്നെ വാഹനങ്ങളില്‍ ലഹരി കടത്തുന്നത് പിടികൂടുന്നതിനായി പരിശോധനകള്‍ ശക്തമാക്കിയിരുന്നു. ഇന്നലെ ഇന്നലെ 12 കിലോ ഗ്രാം കഞ്ചാവ് പിടിച്ചതിനു തൊട്ടുപിന്നാലെയാണ് ഇന്ന് ഉച്ച കഴിഞ്ഞ് 2.30 ഓടെ ബസില്‍ നിന്നും കഞ്ചാവ് പിടികൂടിയത്.

ആന്ധ്രയിലെ തിരുപ്പതിയില്‍ നിന്നാണ് തൗഫീഖ് കഞ്ചാവ് കടത്തിക്കൊണ്ടു വന്നത്. കൂടുതല്‍ ആളുകള്‍ക്ക് ഇതില്‍ പങ്കുണ്ടെന്നാണ് വിവരം. നിലവില്‍ ഇയാളെ ചോദ്യം ചെയ്തു വരികയാണ്.