തിരുവനന്തപുരത്ത് വൻ ലഹരി വേട്ട; രണ്ടര ടൺ നിരോധിത പുകയില ഉൽപ്പന്നങ്ങൾ പിടികൂടി

തിരുവനന്തപുരം: തിരുവനന്തപുരത്ത് വൻ ലഹരി വേട്ട. രണ്ടര ടൺ നിരോധിത പുകയില ഉൽപ്പന്നങ്ങൾ പിടികൂടി. ഓപ്പറേഷൻ ക്ലീൻ സ്ലേറ്റിന്‍റെ ഭാഗമായി നടത്തിയ പരിശോധനയിൽ അസം സ്വദേശിയായ മുഹമ്മദ്‌ മജാറുൾ, ഇയാളുടെ സഹായിയായ ഹാറൂൻ റഷീദ് എന്നിവരാണ് പിടിയിലായത്. വാടക വീട്ടിൽ ഒളിപ്പിച്ച നിലയിലാണ് വൻ പുകയില ഉൽപ്പന്നങ്ങളുടെ ശേഖരം പിടികൂടിയത്.

എക്സൈസ് സ്പെഷ്യൽ സ്‌ക്വാഡ് സർക്കിൾ ഇൻസ്‌പെക്ടർ എ പി ഷാജഹാനും സംഘവും ചേർന്നാണ് റെയ്‌ഡ് നടത്തിയത്. നഗരത്തിലെ വിവിധ സ്ഥലങ്ങളിൽ ചെറിയ പാൻ ഷോപ്പുകൾ നടത്തിയായിരുന്നു അസം സ്വദേശിയുടെ നിരോധിത പുകയില വിൽപ്പനയെന്ന് എക്സൈസ് അറിയിച്ചു.

റെയ്‌ഡിൽ അസിസ്റ്റന്‍റ് എക്സൈസ് ഇൻസ്‌പെക്ടർ (ഗ്രേഡ്) ലോറൻസ്, സിവിൽ എക്സൈസ് ഓഫീസർമാരായ നന്ദകുമാർ, ആരോമൽ രാജൻ, സിവിൽ എക്സൈസ് ഓഫീസർ ഡ്രൈവർ ആന്റോ എന്നിവരും പങ്കെടുത്തു.