പായയിൽ പൊതിഞ്ഞ നിലയിൽ മൃതദേഹം ; ആറുപേർ കസ്റ്റഡിയിൽ

ഇടുക്കി: മൂലമറ്റത്ത് പായയിൽ പൊതിഞ്ഞ നിലയിൽ മൃതദേഹം കണ്ടെത്തിയ സംഭവം കൊലപാതകമെന്ന് പൊലീസ്. കോട്ടയം ജില്ലയിലെ മേലുകാവ് സ്വദേശി സാജൻ സാമുവലിനെയാണ് മരിച്ചനിലയിൽ കണ്ടെത്തിയത്.

സംഭവത്തിൽ ആറുപേരെ പൊലീസ് കസ്റ്റഡിയിലെടുത്തു. കൊലപാതകത്തിൽ ഇവർക്ക് നേരിട്ട് പങ്കുണ്ടെന്നാണ് വിവരം. ഓട്ടോ ഡ്രെെവർ നൽകിയ മൊഴിയാണ് കേസിൽ നിർണായകമായത്.

പ്രദേശത്ത് കടുത്ത ദുർഗന്ധം വമിച്ചതോടെ ഇന്നലെ നാട്ടുകാർ പൊലീസിൽ വിവരമറിയിക്കുകയായിരുന്നു. തുടർന്ന് നടത്തിയ പരിശോധനയിൽ പ്ലാസ്റ്റിക് പായയിൽ പൊതിഞ്ഞ മൃതദേഹത്തിന് മൂന്നുദിവസത്തിലേറെ പഴക്കമുണ്ട്.