ജൂനിയര്‍ അനലിസ്റ്റ് നിയമനം ; അപേക്ഷ ക്ഷണിക്കുന്നു

പാലക്കാട് : ഭക്ഷ്യ പൊതുവിതരണ ഉപഭോക്തൃകാര്യ വകുപ്പിന് കീഴില്‍ കോന്നിയില്‍ പ്രവര്‍ത്തിക്കുന്ന സി.എഫ്.ആര്‍.ഡി ഫുഡ് ക്വാളിറ്റി മോണിട്ടറിങ് ലബോറട്ടറിയിലെ കെമിക്കല്‍ വിഭാഗത്തിലേക്ക് ജൂനിയര്‍ അനലിസ്റ്റ്, സീനിയര്‍ അനലിസ്റ്റുമാരെ നിയമിക്കുന്നു. ഒരു വര്‍ഷത്തേക്ക് കരാര്‍ അടിസ്ഥാനത്തിലാണ് നിയമനം.

50 ശതമനം മാര്‍ക്കില്‍ കുറയാതെ കെമിസ്ട്രി/ ബയോ കെമിസ്ട്രി വിഷയത്തിലുള്ള ബിരുദാനന്തര ബിരുദവും ഫുഡ് അനാലിസിസ് ലബോറട്ടറിയില്‍ അനലിസ്റ്റായി മൂന്ന് വര്‍ഷത്തില്‍ കുറയാത്ത പ്രവൃത്തി പരിചയവുമാണ് സീനിയര്‍ അനലിസ്റ്റിന് വേണ്ട യോഗ്യത. എന്‍.എ.ബി.എല്‍ അക്രഡിറ്റഷന്‍ ഉള്ള ലാബിലെ പ്രവൃത്തി പരിചയവും അഭികാമ്യം.

പ്രതിമാസം 25,000 രൂപയാണ് വേതനം. ജൂനിയര്‍ അനലിസ്റ്റിന് കെമിസ്ട്രി / ഫുഡ് ടെക്‌നോളജി വിഷയത്തില്‍ 50% മാര്‍ക്കില്‍ കുറയാത്ത ബിരുദാനന്തര ബിരുദവും മോഡേണ്‍ ഫുഡ് അനാലിസിസില്‍ ഒരു വര്‍ഷത്തില്‍ കുറയാത്ത പ്രവൃത്തി പരിചയവും വേണം. പ്രതിമാസ വേതനം: 15000 രൂപ. ഫെബ്രുവരി 15 വരെ അപേക്ഷ സ്വീകരിക്കും. കൂടുതല്‍ വിവരങ്ങളും അപേക്ഷാ ഫോമും www .supplycokerala.com, www.cfrdkerala. in എന്നീ വെബ്‌സൈറ്റുകളില്‍ ലഭിക്കും.