പത്മശ്രീ പുരസ്കാരത്തിന്റെ ആദ്യഘട്ടപട്ടിക പ്രഖ്യാപിച്ചു; രാഷ്ട്രപതിയുടെ സേനാ മെഡലുകൾക്ക് അർഹരായവരിൽ രണ്ട് മലയാളികളും

ന്യൂഡൽഹി: പത്മശ്രീ പുരസ്കാരം നേടിയ 31 പേരുടെ പട്ടിക പുറത്തുവിട്ടു. പത്മശ്രീ പുരസ്കാരത്തിൻറെ ആദ്യ ഘട്ട പട്ടികയാണ് ഇപ്പോൾ പുറത്തുവന്നിരിക്കുന്നത്. തമിഴ്നാട്ടിൽ നിന്നുള്ള വാദ്യ സംഗീതഞ്ജൻ വേലു ആശാൻ, പാരാ അതലറ്റ് ഹർവീന്ദ്രർ സിങ്ങ്, കുവൈറ്റിലെ യോഗ പരിശീലക ഷെയ്ക എ ജെ അൽ സഭാഹാ, നടോടി ഗായിക ബാട്ടുൽ ബീഗം,സ്വാതന്ത്രസമര സേനാനി ലീബാ ലോ ബോ സർദേശായി എന്നിവരും പത്മശ്രീ പുരസ്കാരത്തിന് അർഹരായവരിൽ ഉൾപ്പെടുന്നു.

രാഷ്ട്രപതിയുടെ സേനാ മെഡലുകളും പ്രഖ്യാപിച്ചിട്ടുണ്ട്. വ്യോമസേനയിൽ നിന്ന് രണ്ടു മലയാളികൾ പരം വിശിഷ്ട സേവാ മെഡലിന് അർഹരായി. സതേൺ എയർ കമാൻഡ് മേധാവി എയർ മാർഷൽ ബി മണികണ്ഠന് പരം വിശിഷ്ട സേവാ മെഡലും അന്തമാൻ നിക്കോബാർ കമാൻഡ് ഇൻ ചീഫ് എയർ മാർഷൽ സാജു ബാലകൃഷ്ണനുമാണ് പരം വിശിഷ്ട സേവാ മെഡലിന് അർഹരായത്. കോട്ടയം സ്വദേശിയാണ് എയർ മാർഷൽ ബി മണികണ്ഠൻ.