മനുഷ്യന്റെ വികാരങ്ങള്‍ മനസ്സിലാക്കാന്‍ കഴിയും; പുതിയ റോബോർട്ട് പുറത്തിറക്കി അമേരിക്കന്‍ കമ്പനി

മുഖത്ത് സമ്മിശ്ര വികാരങ്ങള്‍ പ്രകടമാക്കാന്‍ സാധിക്കുന്ന ഹ്യൂമനൈഡ് റോബോട്ടിനെ പുറത്തിറക്കി ടെക് കമ്പനി. ഒറ്റപ്പെടല്‍ അനുഭവിക്കുന്നവര്‍ക്ക് കൂട്ടായി ഒരു പക്ഷെ, ഗേള്‍ഫ്രണ്ടായി പോലും ഇടപഴകാന്‍ ഈ അക റോബോട്ടിന് കഴിയുമെന്നാണ് ടെക് കമ്പനി പറയുന്നത്. മനുഷ്യന്റെ വികാരങ്ങള്‍ മനസ്സിലാക്കാന്‍ കഴിയുന്ന റോബോട്ട് ഇപ്പോള്‍ വില്‍പ്പനയ്ക്കായി ഒരുങ്ങുകയാണ്.

യു.എസ് ആസ്ഥാനമായുള്ള ടെക് കമ്പനിയായ’ HER ‘ പുറത്തിറക്കിയ അക റോബോട്ടിന് ആര്യ (Aria ) എന്നാണ് പേരിട്ടിരിക്കുന്നത്. കഴിഞ്ഞ ദിവസം ലാസ് വെഗാസില്‍ നടന്ന 2025 കണ്‍സ്യൂമര്‍ ഇലക്ട്രോണിക്സ് ഷോയിലാണ് ആര്യയെ അനാച്ഛാദനം ചെയ്തത്, 1.5 കോടി രൂപ കൊടുത്താല്‍ ആര്‍ക്കും ആര്യയെ സ്വന്തമാക്കാം. മനുഷ്യരുടേതായ സവിശേഷതകളുള്ള ഈ അക റോബോട്ടിന് മനുഷ്യന്റേതായ വ്യത്യസ്തമായ മുഖഭാവങ്ങളും പ്രകടമാക്കാന്‍ സാധിക്കുമെന്നാണ് CNET പറയുന്നത്.ഇത് സംബന്ധിച്ച വീഡിയോ ‘MEET ARIA – The FEMALE COMPANION ROBOT,’ എന്ന തലക്കെട്ടോടെ എക്‌സ് അക്കൗണ്ടില്‍ പോസ്റ്റ് ചെയ്തിട്ടുണ്ട്. മനുഷ്യരെ മനസിലാക്കുന്നതിനുള്ള പ്രോഗ്രാമുകള്‍ ആര്യയില്‍ ചെയ്തിട്ടുണ്ട്, അതിനാല്‍, ഒറ്റപ്പെടല്‍ അനുഭവിക്കുന്നവരുമായി, സത്യസന്ധമായ മാനുഷീക അടുപ്പം സൃഷ്ടിക്കുവാന്‍ കഴിയുമെന്നാണ് വിഡിയോയില്‍ പറയുന്നത്.

ആര്യയുടെ വായുടെയും, കണ്ണിന്റെയും ചലനങ്ങള്‍ സൃഷ്ടിക്കുന്നതിനായി കഴുത്ത് മുതല്‍ മുകളിലേക്ക് 17 മോട്ടോറുകളാണ് ഉപയോഗിച്ചിട്ടുള്ളത്. ഉപയോക്താക്കള്‍ക്ക് ആര്യയുടെ മുഖം, ഹെയര്‍സ്‌റ്റൈല്‍, നിറം എന്നിവ ഇഷ്ട്ടമായില്ലെങ്കില്‍ മാറ്റാനും സാധിക്കുന്നതാണ്. മാത്രമല്ല, RFID ടാഗുകള്‍ ഘടിപ്പിച്ചിട്ടുള്ള ഈ റോബോട്ടിന് വ്യത്യസ്ത മുഖ ഭാവങ്ങള്‍ പ്രകടിപ്പിക്കുവാനും, അതനുസരിച്ച് പൊരുത്തപ്പെടുന്ന തരത്തില്‍ ശരീര ചലനങ്ങള്‍ ഉണ്ടാക്കാനും കഴിവുണ്ടെന്നാണ് റിപ്പോര്‍ട്ടുകള്‍.
ആര്യയുമായുള്ള അഭിമുഖത്തിനിടെ, എലോണ്‍ മസ്‌കിന്റെ ടെസ്ല വികസിപ്പിച്ചെടുത്ത അക റോബോട്ടായ ഒപ്റ്റിമസിനെ കാണാന്‍ താന്‍ ആഗ്രഹിക്കുന്നുവെന്നും, ടെസ്ലയുടെ ഒപ്റ്റിമസ് റോബോട്ടിനെ കാണാന്‍ തനിക്ക് ഏറെ താല്പര്യമുണ്ടെന്നും ”ഒപ്റ്റിമസിനെ താന്‍ ഏറെ കൗതുകത്തോടെയാണ് വീക്ഷിക്കുന്നതെന്നും മാത്രമല്ല, അവനോടൊപ്പം റോബോട്ടിക്സിന്റെ ലോക പര്യവേക്ഷണം ആഗ്രഹിക്കുന്നതായും അക ഹ്യൂമനൈഡ് റോബോര്‍ട്ടായ ആര്യ അമേരിക്കന്‍ മീഡിയ വെബ്‌സൈറ്റായ CNETനോട് പറഞ്ഞു.

മനുഷ്യരുടെ കൂട്ടായ്മയ്ക്കും അടുപ്പത്തിനും വേണ്ടിയാണ് റോബോട്ടുകളെ രൂപകല്പന ചെയ്തിരിക്കുന്നത് എന്നാണ് കമ്പനി സിഇഒ ആന്‍ഡ്രൂ കിഗുവല്‍ അഭിപ്രായപ്പെടുന്നത്. എന്നാല്‍, മനുഷ്യരുടെ വികാര വിചാരങ്ങളെ പോലും മനസിലാക്കി പ്രവര്‍ത്തിക്കാന്‍ കഴിയുന്ന ഇത്തരം റോബോട്ടുകള്‍ അപകടകമാണെന്ന അഭിപ്രായങ്ങളും വരുന്നുണ്ട്.