കരവാരം മുള്ളിയിൽക്കടവിൽ കടത്തുവള്ളം പുനഃസ്ഥാപിക്കാൻ നടപടി

കല്ലമ്പലം : ആറ്റിങ്ങൽ മുനിസിപ്പാലിറ്റിയിലെ അവനവഞ്ചേരിയുമായി വഞ്ചിയൂർ കട്ടപ്പറമ്പിനെ ബന്ധപ്പെടുത്തുന്ന മുള്ളിയിൽക്കടവിലെ കടത്തുവള്ളം പഞ്ചായത്ത് പുനഃസ്ഥാപിക്കും. കരവാരം പഞ്ചായത്തിൽ ഭരണത്തിലേറിയ എൽ.ഡി.എഫ്. ഭരണസമിതി കടത്ത് പുനഃസ്ഥാപിക്കാൻ തീരുമാനിക്കുകയായിരുന്നു.

നൂറ്റാണ്ടായി ഇരുകരകളിലെയും ജനങ്ങൾ അവനവഞ്ചേരി സ്‌കൾ, ഇണ്ടിളയപ്പൻ ക്ഷേത്രം, ആറ്റിങ്ങൽ കെ.എസ്.ആർ.ടി.സി. ബസ് സ്റ്റാൻഡ് എന്നിവിടങ്ങളിലേക്കും കട്ടപ്പറമ്പ് എൽ.പി. സ്‌കൂൾ, ശിവക്ഷേത്രം വഞ്ചിയൂർ എന്നിവിടങ്ങളിലേക്കും യാത്ര ചെയ്യാൻ ഉപയോഗിച്ചതായിരുന്നു ഈ കടത്ത്.