ബിവറേജസിന് മുന്നിൽ ആക്രമണം നടത്തിയ മൂന്ന് പേർ അറസ്റ്റിൽ

ആര്യനാട്: ബിവറേജസിന് മുന്നിൽ ആക്രമണം നടത്തിയ മൂന്ന് പേരെ പോലീസ് അറസ്റ്റ് ചെയ്‌തു.ആര്യനാട് കണിയാകുഴി എസ്.കെ നിവാസിൽ ദീപു(25), ഇരിഞ്ചൽ കണിയാകുഴി കിഴക്കുംകര വിട്ടിൽ പ്രവീൺ(25),കുറ്റിച്ചൽ കൊങ്ങറക്കോണം ചന്ദ്രോദയത്തിൽ അനുചന്ദ്രൻ(24) എന്നിവരാണ് അറസ്റ്റിലായത്.

ക്രിസ്മസിന് ആര്യനാട് ബിവറേജസ് ഷോപ്പിന് മുന്നിൽ പാർക്കിംഗിനെ ചൊല്ലിയുണ്ടായ തർക്കത്തിൽ യുവാവിനെ ആക്രമിച്ച് ഭീകരാന്തരീക്ഷം സൃഷ്ടിച്ച ഇവരെ ആര്യനാട് പൊലീസാണ് പിടികൂടിയത്.

മദ്യം വാങ്ങാനായെത്തിയ പ്രതികൾ ബൈക്ക് പാർക്ക് ചെയ്തതിലുള്ള തർക്കത്തെത്തുടർന്ന് കുളപ്പട സ്വദേശിയായ യുവാവിനെ ആക്രമിച്ച് ഭീകരാന്തരീക്ഷം സ്രഷ്ടിച്ച ശേഷം രക്ഷപ്പെടുകയായിരുന്നു.