കോട്ടയം ജില്ലയിൽ എക്സൈസ് പിടികൂടിയത് 23.69 കിലോ കഞ്ചാവ്

കോട്ടയം : മയക്കുമരുന്ന് ഉപയോഗം വർധിക്കുന്ന സാഹചര്യത്തിൽ ജില്ലയിൽ എക്സൈസ് പരിശോധന ശക്തമാക്കി. മൂന്നുമാസത്തിനിടെ ജില്ലയിൽ എക്സൈസും പോലീസും വനംവകുപ്പും നടത്തിയ പരിശോധനയിൽ 23.69 കിലോ കഞ്ചാവ് പിടിച്ചെടുത്തു.

എക്സൈസും പോലീസും വനംവകുപ്പും ചേർന്ന് 103 പരിശോധനകളും എക്സൈസ് 3426 പരിശോധനകളും നടത്തി. 52 ഗ്രാം ഹെറോയിൻ, 200 ഗ്രാം ബ്രൗൺ ഷുഗർ, 15 ഗ്രാം ഹാഷിഷ് ഓയിൽ, 517 മില്ലീഗ്രാം എം.ഡി.എം.എ., 5.71 ഗ്രാം മെത്താംഫിറ്റമിൻ, 26.85 ഗ്രാം നൈട്രോസെപാം എന്നിവയും പിടിച്ചെടുത്തു.