ക്ഷേത്രത്തിലെ തടിക്ക് തീയിട്ടതായി പരാതി

തിരുവല്ല : കദളിമംഗലം ദേവീക്ഷേത്രത്തിൽ തടിക്ക്‌ തീയിട്ടതായി പരാതി. സദ്യാലയത്തിന്റെ മുൻവശത്തെ വരാന്തയിൽ അടുക്കിവെച്ചിരുന്ന തടിയുടെ ഭാഗത്താണ് കത്തി നശിച്ചത്.

ക്ഷേത്ര പുനർനിർമാണത്തിന് ഉപയോഗിച്ച തേക്കുതടിയുടെ ബാക്കിഭാഗങ്ങളാണ് അടുക്കിവെച്ചിരുന്നത്.

വെള്ളിയാഴ്ച സന്ധ്യയ്ക്ക് ക്ഷേത്ര ജീവനക്കാരനാണ് തടി കത്തുന്നത് കണ്ടത്. തുടർന്ന് വെള്ളമൊഴിച്ചുകെടുത്തി. സാമൂഹ്യവിരുദ്ധർ തീയിട്ടതായി ഭരണസമിതി അംഗങ്ങൾ പറഞ്ഞു. പരാതിയുടെ അടിസ്ഥാനത്തിൽ പോലീസ് അന്വേഷണം ആരംഭിച്ചു.