അച്ഛനുമായി പിണങ്ങി ; 20കാരൻ ഷേവിങ് സെറ്റ് വിഴുങ്ങി

ന്യൂഡൽഹി: ഷേവിങ് സെറ്റ് വിഴുങ്ങിയ 20-കാരൻ ആശുപത്രിയിൽ. ന്യൂഡൽഹി സ്വദേശിയായ യുവാവ് അച്ഛനുമായി വഴക്കിടുന്നതിനിടെയാണ്ഷേവിങ് സെറ്റ് വിഴുങ്ങിയത്.

യുവാവിന് വിഷാദരോഗവും ആത്മഹത്യാപ്രേരണയുമുള്ളതായാണ് വിവരം.ബ്ലേഡും ഹോൾഡറും ഹാൻഡിലും അടങ്ങുന്ന ഷേവിങ് സെറ്റ് രണ്ട് ഭാഗങ്ങളായാണ് ഇയാൾ വിഴുങ്ങിയത്. ബ്ലേഡ് ഇയാളുടെ ആമാശയത്തിൽ തങ്ങിനിന്നു. എന്നാൽ ഹാൻഡിൽ വൻകുടലുവരെയെത്തി. ശസ്ത്രക്രിയയ്ക്കൊടുവിലാണ് ഷേവിങ് സെറ്റ് യുവാവിന്റെ വയറ്റിൽ നിന്നും പുറത്തെടുത്തത്.