പീഡന പരാതി; ജിജോ തില്ലങ്കേരി കസ്റ്റഡിയിൽ

കണ്ണൂര്‍: പീഡന പരാതിയിൽ ജിജോ തില്ലങ്കേരി കസ്റ്റഡിയിൽ. ഷുഹൈബ് വധക്കേസ് പ്രതി ആകാശ് തില്ലങ്കേരിയുടെ കൂട്ടാളിയാണ് ജിജോ. പട്ടികജാതിക്കാരിയായ യുവതിയുടെ പീഡന പരാതിയിലാണ് ജിജോയെ കസ്റ്റഡിയിൽ എടുത്തത്. മുഴക്കുന്ന് പൊലീസ് ആണ് ജിജോയെ കസ്റ്റഡിയിലെടുത്തിരിക്കുന്നത്.

നവംബര്‍ 19നായിരുന്നു കേസിനാസ്പദമായ സംഭവം നടന്നത്. സംഭവം പുറത്തുപറഞ്ഞാൽ മക്കളെ അപായപ്പെടുത്തുമെന്ന് ഭീഷണിപ്പെടുത്തിയെന്നും യുവതി പരാതിയില്‍ പറയുന്നു. ഭയം കൊണ്ടാണ് പരാതി നല്‍കാന്‍ വൈകിയതെന്നും യുവതി പറഞ്ഞു.