സംസ്ഥാനസിവില്‍ സര്‍വീസ് ചാമ്പ്യന്‍ഷിപ്പില്‍ ആലപ്പുഴ, മലപ്പുറം, തിരുവനന്തപുരം ജില്ലകള്‍ ജേതാക്കള്‍

സംസ്ഥാനസിവില്‍ സര്‍വീസ് ചാമ്പ്യന്‍ഷിപ്പില്‍ പവര്‍ ലിഫ്റ്റിങ്ങില്‍ ആലപ്പുഴയും വെയിറ്റ് ലിഫ്റ്റിങ്ങില്‍ മലപ്പുറവും ബെസ്റ്റ് ഫിസിക്കില്‍ തിരുവ നന്തപുരവും ജേതാക്കളായി. പവര്‍ ലിഫ്റ്റിങ്ങില്‍ കണ്ണൂര്‍, മലപ്പുറം ജില്ലകള്‍ രണ്ടും മൂന്നും സ്ഥാനങ്ങളും വെയിറ്റ് ലിഫ്റ്റിങ്ങില്‍ ഗവ. സെക്രട്ടേറിയേറ്റ്, തിരുവനന്തപുരം എന്നിവ രണ്ടും മൂന്നും സ്ഥാനങ്ങളും ബെസ്റ്റ് ഫിസിക്കില്‍ എറണാകുളം, തൃശ്ശൂര്‍ എന്നിവ രണ്ടും മൂന്നും സ്ഥാനങ്ങളും കരസ്ഥമാക്കി. പവര്‍ലിഫ്റ്റിങ് പുരുഷ വിഭാഗത്തില്‍ ബെസ്റ്റ് ലിഫ്റ്ററായി ആലപ്പുഴയുടെ എസ് സുജിത്തിനെയും വനിതാ വിഭാഗത്തില്‍ എല്‍ ഇന്ദിരയെയും തെരഞ്ഞെടുത്തു. വെയിറ്റ് ലിഫ്റ്റിങ്ങില്‍ മലപ്പുറത്തിന്റെ ഫജറുനാസിക്കും വനിതാ വിഭാഗത്തില്‍ ഗവ. സെക്രട്ടേറിയേറ്റിലെ സിമി ജോസഫും ബെസ്റ്റ് ലിഫ്റ്ററായി. മിസ്റ്റര്‍ കേരള സിവില്‍ സര്‍വന്റായി തൃശൂരിന്റെ ഇ ഉണ്ണികൃഷ്ണനെ തെരഞ്ഞെടുത്തു. എസ് ഡി വി ബസന്റ് ഹാളില്‍ നടന്ന മത്സരം ആലപ്പുഴ നഗരസഭ ചെയര്‍പേഴ്‌സണ്‍ കെ കെ ജയമ്മ ഉദ്ഘാടനം ചെയ്തു. ജില്ലാ സ്‌പോര്‍ട്‌സ് കൗണ്‍സില്‍ എക്‌സിക്യൂട്ടീവ് കമ്മറ്റിയംഗം ടി ജയമോഹന്‍ അധ്യക്ഷത വഹിച്ചു. എസ് ഡി വി സ്‌കൂള്‍ മാനേജര്‍ പ്രൊഫ. ടി. രാമാനന്ദന്‍ സമ്മാനദാനം നിര്‍വഹിച്ചു. ജില്ലാ സ്‌പോര്‍ട്‌സ് കൗണ്‍സില്‍ സെക്രട്ടറി എന്‍ പ്രദീപ് കുമാര്‍, ജില്ലാ സ്‌പോര്‍ട്‌സ് ഓഫീസര്‍ സി വി ബിജിലാല്‍, കേരള സംസ്ഥാന പവര്‍ലിഫ്റ്റിങ് അസോസിയേഷന്‍ പ്രസിഡന്റ് അജിത് എസ് നായര്‍, ജില്ലാ ബോഡി ബില്‍ഡിംഗ് അസോസിയേഷന്‍ പ്രസിഡന്റ് എസ് ഷമീര്‍, ജില്ലാ വെയിറ്റ്‌ലിഫ്റ്റിംഗ് അസോസിയേഷന്‍ എക്‌സിക്യൂട്ടീവ് കമ്മറ്റിയംഗം എ ബി മഞ്ജു, ജില്ല പവര്‍ലിഫ്റ്റിംഗ് അസോസിയേഷന്‍ സെക്രട്ടറി എസ് സുരാജ്, ജില്ല ബോഡി ബില്‍ഡിംഗ് അസോസിയേഷന്‍ സെക്രട്ടറി അനീഷ് മോന്‍, രാജീവ് ഗാന്ധി പുരസ്‌ക്കാര ജേതാവ് വി എന്‍ രാജു എന്നിവര്‍ പങ്കെടുത്തു.