പുതുവർഷത്തിൽ സ്മാർട്ട്ഫോൺ വിപണി കീഴടക്കുമോ റിയൽമീ; 14 പ്രോ സിരീസ് ഉടൻ എത്തും

പുതുവർഷത്തിൽ പുത്തൻ ടീച്ചറുകളും ആയി വിപണി കീഴടക്കാൻ ഒരുങ്ങി ചൈനീസ് സ്‌മാര്‍ട്ട്‌ഫോണ്‍ ബ്രാന്‍ഡായ റിയല്‍മീ. കമ്പനിയുടെ 14 പ്രോ സ്‌മാര്‍ട്ട്ഫോണ്‍ സിരീസ് 2025 ജനുവരിയില്‍ പുറത്തിറക്കുമെന്ന് റിപ്പോർട്ട്. റിയല്‍മീ 14 പ്രോ, റിയല്‍മീ 14 പ്രോ+ എന്നീ രണ്ട് മോഡലുകളാണ് ഈ സിരീസില്‍ വരുന്നത്. റിയല്‍മീ 14 പ്രോ സിരീസുമായി ബന്ധപ്പെട്ട കൂടുതല്‍ വിവരങ്ങള്‍ വരും ദിവസങ്ങളില്‍ കമ്പനി പുറത്തുവിടുമെന്നാണ് വിവരം.

റിയല്‍മീ 14 പ്രോ, റിയല്‍മീ 14 പ്രോ+ എന്നീ രണ്ട് സ്‌മാര്‍ട്ട്‌ഫോണ്‍ മോഡലുകള്‍ ഉള്‍പ്പെടുന്ന റിയല്‍മീ 14 സിരീസും അടുത്ത മാസം പുറത്തിറങ്ങും. പവിഴ ഡിസൈനിലുള്ള ബാക്ക് പാനലില്‍ നിറംമാറ്റ ഫീച്ചറോടെയാണ് രണ്ട് ഫോണ്‍ മോഡലുകളും വിപണിയിലേക്ക് എത്തുക. മുമ്പ് റിയല്‍മീ 9 പ്രോ+ പുറത്തിറങ്ങിയതും ബാക്ക് പാനല്‍ കളര്‍ മാറ്റങ്ങളോടെയായിരുന്നു. എന്നാല്‍ ആ നിറംമാറ്റം അള്‍ട്രാവയലറ്റ് പ്രകാശം പതിക്കുമ്പോഴായിരുന്നു. റിയല്‍മീ 14 പ്രോ സിരീസില്‍ താപനില 16 ഡിഗ്രി സെല്‍ഷ്യസിലേക്ക് താഴുമ്പോഴാണ് ഫോണിന്‍റെ റിയര്‍ പാനലിന്‍റെ കളര്‍ മാറുക എന്നതാണ് സവിശേഷത.

റിയല്‍മീ 14 പ്രോ, റിയല്‍മീ 14 പ്രോ+ എന്നിവയുടെ ഫീച്ചറുകള്‍ വിശദമായി പുറത്തുവന്നിട്ടില്ല. സ്‌നാപ്‌ഡ്രാഗണ്‍ 7എസ് ജനറേഷന്‍ 3 സോക് ചിപ്‌സെറ്റോടെയായിരിക്കും പ്രോ+ വരിക. ഫോണുകള്‍ പുറത്തിറങ്ങുന്ന തീയതിയും വിലയും ഉടനറിയാമെന്ന് കമ്പനി അറിയിച്ചു. 5ജി സാങ്കേതികവിദ്യയോടെയാണ് ഇരു ഫോണുകളും വിപണിയിലെത്തുക.