യുവനടന്മാർ ഉണ്ണിയെ അനുകരിക്കണം ; പ്രശംസയുമായി സംവിധായകൻ വിനയൻ

മലയാളത്തിലെ മോസ്റ്റ്‌ വയലൻസ് ചിത്രം മാര്‍ക്കോയുടെ വിജയത്തില്‍ ഉണ്ണി മുകുന്ദനെ അഭിനന്ദിച്ച് സംവിധായകന്‍ വിനയന്‍. അര്‍പ്പണബോധവും കഠിനാധ്വാനവും ഒരു കലാകാരനെ വിജയത്തിലെത്തിച്ചിരിക്കും എന്നതിന്റെ തെളിവാണ് ‘മാര്‍ക്കോ’ എന്ന സിനിമയിലൂടെ ഉണ്ണി മുകുന്ദന്‍ നേടിയ വിജയമെന്ന് വിനയന്‍ ഫേസ്ബുക്കില്‍ കുറിച്ചു.

ഒരു സിനിമയുടെ തുടക്കം മുതല്‍ അത് തീയറ്ററില്‍ എത്തിക്കഴിഞ്ഞും, ഒരു സംവിധായകനേക്കാളും നിര്‍മ്മതാവിനേക്കാളും ആത്മാര്‍ത്ഥതയോടെ ആ സിനിമയുടെ കൂടെ സഞ്ചരിക്കുവാനും പ്രമോഷന്‍ കൊടുക്കുവാനും ഒക്കെ ഉണ്ണി കാണിക്കുന്ന ഉത്സാഹവും മനസ്സും മറ്റു യുവ നടന്മാർക്കും അനുകരണീയമാണ്. നിതാന്തമായ പരിശ്രമമാണല്ലോ വിജയത്തിനാധാരം.. ഒരു പാന്‍ ഇന്ത്യന്‍ താരം ഉദിക്കട്ടേയെന്നും വിനയന്‍ ഫേസ്ബുക്കില്‍ കുറിച്ചു.

വിനയന്റെ കുറിപ്പ്

അര്‍പ്പണ ബോധവും കഠിനാധ്വാനവും ഒരു കലാകാരനെ വിജയത്തിലെത്തിച്ചിരിക്കും എന്നതിന്റെ തെളിവാണ് ‘മാര്‍ക്കോ’ എന്ന സിനിമയിലൂടെ ഉണ്ണി മുകുന്ദന്‍ നേടിയ വിജയം. ഒരു സിനിമയുടെ തുടക്കം മുതല്‍ അത് തിയറ്ററില്‍ എത്തിക്കഴിഞ്ഞൂം ഒരു സംവിധായകനേക്കാളും നിര്‍മ്മാതാവിനെക്കാളും ആത്മാര്‍ത്ഥതയോടെ ആ സിനിമയുടെ കൂടെ സഞ്ചരിക്കുവാനും പ്രമോഷന്‍ കൊടുക്കുവാനും ഒക്കെ ഉണ്ണി കാണിക്കുന്ന ഉത്സാഹവും മനസ്സും മറ്റു യുവനടന്‍മാര്‍ക്കും അനുകരണീയമാണ്. നിതാന്തമായ പരിശ്രമമാണല്ലോ വിജയത്തിനാധാരം. ഒരു പാനിന്ത്യന്‍ താരം ഉദിക്കട്ടെ. ആശംസകള്‍.