തൂത്തുക്കുടിയ്‌ക്ക് സമീപം 790 വർഷം പഴക്കമുള്ള ശിലാ ലിഖിതം കണ്ടെത്തി

തൂത്തുക്കുടി ജില്ലയിലെ മടത്തൂർ ഹൈവേയ്‌ക്ക് സമീപം 790 വർഷം പഴക്കമുള്ള പാണ്ഡ്യ കാലഘട്ടത്തിലെ ശിലാ ലിഖിതം കണ്ടെത്തി. പ്രദേശവാസിയായ പി.രാജേഷ് നൽകിയ വിവരങ്ങളുടെ അടിസ്ഥാനത്തിൽ പുരാവസ്തു ഗവേഷകനായ ഡോ.തവസി മുത്തുമാരൻ സ്ഥലത്തെത്തി ഇതിലെ ലിഖിതങ്ങൾ പരിശോധിക്കുകയും പകർത്തുകയും ചെയ്തു.

ഇപ്പോഴും ഉപയോഗത്തിലുള്ള ഒരു കിണറിലാണ് ഈ ലിഖിതങ്ങൾ കാണപ്പെട്ടത്.ഈ ലിഖിതങ്ങളിൽ, തമിഴ്നാട്ടിൽ പുരാതന കാലത്ത് നിലനിന്നിരുന്ന വിവിധ ബിസിനസ് ഗ്രൂപ്പുകളുടെ പേരുകൾ രേഖപ്പെടുത്തിയിട്ടുണ്ട്.