നീണ്ടൂര്‍ ശ്രീനാഗരാജ-നാഗയക്ഷി ക്ഷേത്രത്തില്‍ ആയില്യം മഹോത്സവം

കോട്ടയം: നാഗരാജാവ്, നാഗയക്ഷി, മണിനാഗം തുടങ്ങിയ സര്‍പ്പ ദൈവങ്ങളെ പ്രധാന ദേവന്മാരായി പ്രതിഷ്ഠിച്ചിട്ടുള്ള നീണ്ടൂര്‍ ശ്രീ നാഗരാജ -നാഗയക്ഷി ക്ഷേത്രത്തിലെ ആയില്യം മഹോത്സവം നാളെ (വെള്ളിയാഴ്ച) നടക്കും. ക്ഷേത്രം തന്ത്രി ആമേട ഇല്ലത്ത് വാസുദേവന്‍ നമ്പൂതിരിയുടെ നിര്‍ദ്ദേശാനുസരണം ഓണംതുരുത്ത് കണ്ണമ്പള്ളി ഇല്ലം രുദ്രന്‍ നമ്പൂതിരിയുടെ മുഖ്യകാര്‍മ്മികത്വത്തിലായിരിക്കും പൂജകൾ നടത്തുന്നത്.

നാളെ രാവിലെ 5 മണിക്ക് ഗണപതിഹോമം, 9 മണിക്ക് പതിവുപൂജകള്‍, 10 ന് കലശപൂജ, 11 ന് കലശാഭിഷേകം, നൂറും പാലും, സര്‍പ്പപൂജ. 12 ന് പ്രസന്നപൂജ, 1 മണിക്ക് പ്രസാദമൂട്ട്. വൈകുന്നേരം 6.30 ന് ദീപക്കാഴ്ച.