കാട്ടാന കൃഷി നശിപ്പിച്ചു; അന്വേഷിക്കാനെത്തിയ ഫോറസ്റ്റ് ഓഫീസർക്ക് കാട്ടാനയുടെ ആക്രമണത്തിൽ പരിക്ക്

മലപ്പുറം: നിലമ്പൂരിൽ കാട്ടാനയുടെ ആക്രമണത്തിൽ വനപാലകന് പരിക്കേറ്റു. വൈകുന്നേരം 5 മണിയോടെ കാഞ്ഞിരപ്പുഴ സ്‌റ്റേഷനിലെ ബീറ്റ് ഫോറസ്റ്റ് ഓഫീസർ ഹരീഷിനാണ് പരിക്കേറ്റത്. വെള്ളി മുറ്റം ഏറമ്പാടം വനമേഖലയിൽ കാട്ടാനയെ തിരയുന്നതിനിടയിലാണ് മുളംകാട്ടിൽ മറഞ്ഞിരുന്ന കാട്ടാന ഹരീഷിനെ ആക്രമിച്ചത്.

കാട്ടാനയുടെ ആക്രമണത്തിൽ വീണ ഹരീഷിന് ഇടത് കാലിനും ഇടതു കണ്ണിനുമാണ് പരിക്കേറ്റത്. ഇദ്ദേഹത്തെ നിലമ്പൂർ ജില്ലാ ആശുപത്രിയിൽ പ്രവേശിപ്പിച്ചു. കാട്ടാന ഈ മേഖലയിൽ കൃഷി നാശം വിതച്ചിരുന്നതായി നാട്ടുകാർ വിവരം അറിയിച്ചതിന് തുടർന്ന് വനപാലകർ തിരിച്ചിൽ നടത്തുന്നതിനിടയിലാണ് സംഭവമുണ്ടായത്.