വിദ്യാർത്ഥിയുടെ സ്വകാര്യ ഭാഗങ്ങളിൽ മുളകുപൊടി പുരട്ടി; മദ്രസ അധ്യാപകനെ അറസ്റ്റ് ചെയ്തു

മലപ്പുറം: താനൂർ സ്വദേശിയായ മദ്രസ അധ്യാപകൻ ഉമർ അഷ്റഫിയാണ് അനുസരണക്കേട് കാട്ടിയെന്ന് ആരോപിച്ച് കുട്ടിയുടെ സ്വകാര്യ ഭാഗങ്ങളിൽ മുളകുപൊടി പുരട്ടിയത്. അധ്യാപകനെ പോലീസ് അറസ്റ്റ് ചെയ്തു.

വിദ്യാർഥി അടുത്തിടെ പൊലീസിൽ പരാതി നൽകിയതോടെ പ്രതി സംസ്ഥാനത്തുനിന്നും രക്ഷപ്പെട്ട് കർണാടകയിലും തമിഴ്‌നാട്ടിലും വിവിധ സ്ഥലങ്ങളിൽ ഒളിവിൽ കഴിയുകയായിരുന്നു.കോയമ്പത്തൂരിൽ നിന്ന് സ്വന്തം ജില്ലയിലേക്ക് വരുന്നുവെന്ന രഹസ്യവിവരത്തിൻ്റെ അടിസ്ഥാനത്തിൽ പോലീസ് സംഘം താനൂരിലെത്തി കാത്തുനിന്നു. പോലീസിനെ കണ്ട് അഷ്റഫി ഓടി രക്ഷപ്പെടാൻ ശ്രമിച്ചെങ്കിലും പിടികൂടുകയായിരുന്നു.കണ്ണവം പോലീസ് ഇയാളെ അറസ്റ്റ് ചെയ്യുകയും ഭാരതീയ ന്യായ സംഹിതയുടെ (ബിഎൻഎസ്) ബന്ധപ്പെട്ട വകുപ്പുകൾ പ്രകാരം കേസെടുക്കുകയും ചെയ്തു. പ്രാദേശിക കോടതിയിൽ ഹാജരാക്കിയ അഷ്റഫിയെ ജുഡീഷ്യൽ കസ്റ്റഡിയിൽ വിട്ടു.