തിരുവനന്തപുരത്ത് നിന്ന് ബെം​ഗളൂരുവിലേക്ക് പോയ ബസ്സിന് തീപിടിച്ച് അപകടം;യാത്രക്കാർ പരിക്കേൽക്കാതെ രക്ഷപെട്ടു.

ചെന്നൈ: ജയ് സായ് റോഡ് ലിങ്ക്സിന്റെ ബസ്സാണ് ശനിയാഴ്ച രാവിലെ ഏഴോടെ കത്തിയത്. തിരുവനന്തപുരത്ത് നിന്ന് ബെം​ഗളൂരുവിലേക്ക് പോയ ബസ്സിന് തമിഴ്നാട്ടിലെ ഈറോഡിന് സമീപത്ത് വെച്ച് തീപ്പിടിച്ച് അപകടം ഉണ്ടായി. അൻപതോളം യാത്രക്കാരാണ് ബസ്സിലുണ്ടായിരുന്നത്. പുക ഉയരുന്നതുകണ്ട് യാത്രക്കാർ ബഹളംവെച്ചതോടെ ബസ് നിർത്തുകയായിരുന്നു.ബസ്സിലുണ്ടായിരുന്ന അ​ഗ്നിശമന സംവിധാനം ഉപയോ​ഗിച്ച് ജീവനക്കാരാണ് പിന്നീട് തീയണച്ചത്. യാത്രക്കാർക്ക് പരിക്കേൽക്കുകയോ ബസ്സിന് കാര്യമായ കേടുപാടുകൾ സംഭവിക്കുകയോ ചെയ്തിട്ടില്ല.