ശൈശവ വിവാഹം തടയാം ; ‘പൊൻ വാക്കി’ലൂടെ

കോട്ടയം : പഠിക്കേണ്ട പ്രായത്തിൽ കുട്ടികൾ വിവാഹിതരാകുന്നത് തടയാൻ നിങ്ങളുടെ ഒരു വാക്ക് മതി. അങ്ങനെയൊരു ‘പൊൻ വാക്കി’ലൂടെ അറിയാത്ത പ്രായത്തിൽ കുട്ടികൾ കുരുക്കിൽപ്പെടുന്നത് തടയാനായാൽ നിങ്ങൾക്ക് 2500 രൂപാ പാരിതോഷികവും ലഭിക്കും.

ശൈശവ വിവാഹം തടയുന്നതിനായി സംസ്ഥാന സർക്കാരും വനിതാ ശിശു വികസന വകുപ്പും ചേർന്ന് ആരംഭിച്ച പദ്ധതിയാണ് പൊൻ വാക്ക്. പൊതുജന പങ്കാളിത്തത്തോടെ ശൈശവ വിവാഹം നിരോധിക്കുകയാണ് ലക്ഷ്യം.

വിവരം നൽകുന്ന വ്യക്തിയുടെ പേരുവിവരങ്ങൾ രഹസ്യമായി സൂക്ഷിക്കും. വിവരങ്ങൾ അറിയിക്കാം-ഇമെയിൽ – ktmponvakk05@gmail.com, ഫോൺ –0481 2961272, 9188969205.