എരുമേലിയിൽ പൂട്ട് തകർത്ത് മോഷണം; രണ്ട് വ്യാപാരസ്ഥാപനങ്ങളിൽ നിന്ന് പണം കവർന്ന പ്രതികൾക്കായി പോലീസ് അന്വേഷണം ആരംഭിച്ചു.

കോട്ടയം: എരുമേലി മുക്കോട്ടുതറയിലെ വ്യാപാര സ്ഥാപനങ്ങളിൽ നിന്നാണ് പണം കവർന്നത്. കഴിഞ്ഞദിവസം പുലർച്ചെ രണ്ടുമണിക്കാണ് മുക്കൂട്ടുതറ ടൗണിലെ കടകളിൽ മോഷണം നടന്നത്. ജൻ ഔഷധി, പെഴത്ത് വയൽ സ്റ്റോഴ്സ് എന്നിവിടങ്ങളിൽ നിന്നാണ് പണം കവർന്നത്. നീതി മെഡിക്കൽ, തകടിയിൽ ഫിഷ് മാർട്ട് എന്നീ കടകൾക്കുള്ളിൽ കയറി മോഷണശ്രമം നടത്തി. മുഖംമൂടി ധരിച്ചയാൾ കൈയിലുണ്ടായിരുന്ന ആയുധം ഉപയോഗിച്ച് പൂട്ട് തകർത്ത് കടയ്ക്കുള്ളിൽ കയറിയ ദൃശ്യങ്ങൾ ലഭിച്ചിട്ടുണ്ട്. മോഷണത്തിന് മുമ്പ് സമീപത്തെ വൈദ്യുതി ട്രാൻസ്ഫോർമറുടെ ഫ്യൂസുകൾ മോഷ്ടാവ് ഊരി മാറ്റിയിരുന്നു. ജൻ ഔഷധിയിലെ സിസിടിവി ക്യാമറകളും മോഷ്ടാവ് നശിപ്പിച്ചു. സിസിടിവി ദൃശ്യങ്ങൾ കേന്ദ്രീകരിച്ചു പ്രതികൾക്കായി പോലീസ് അന്വേഷണം തുടങ്ങി.