സുരക്ഷാ ഡയഗ്നോസ്റ്റിക് ലിമിറ്റഡ്  ഐപിഒ നവംബര്‍ 29 മുതല്‍

കൊച്ചി:  സുരക്ഷാ ഡയഗ്നോസ്റ്റിക്  ലിമിറ്റഡിന്റെ പ്രാഥമിക ഓഹരി വിൽപന (ഐപിഒ) നവംബര്‍ 29 മുതല്‍ ഡിസംബര്‍ മൂന്ന് വരെ നടക്കും. പ്രൊമോട്ടര്‍മാരുടെയും നിലവിലുള്ള നിക്ഷേപകരുടെയും 19,189,330 ഇക്വിറ്റി ഓഹരികളുടെ  ഓഫർ ഫോർ സെയിലാണ് ഐപിഒയിൽ ഉൾപ്പെടുത്തിയിരിക്കുന്നത്.

രണ്ട് രൂപ മുഖവിലയുള്ള ഓഹരി ഒന്നിന് 420 രൂപ  മുതൽ 441   രൂപ വരെയാണ് പ്രൈസ് ബാൻഡ് നിശ്ചയിച്ചിരിക്കുന്നത്.  കുറഞ്ഞത് 34  ഇക്വിറ്റി ഓഹരികൾക്കും തുർന്ന് 34 ന്റെ ​ഗുണിതങ്ങൾക്കും അപേക്ഷിക്കാം. ഓഹരികള്‍ എന്‍എസ്ഇയിലും ബിഎസ്ഇയിലും ലിസ്റ്റ് ചെയ്യും.

ഐസിഐസിഐ സെക്യൂരിറ്റീസ് ലിമിറ്റഡ്, നുവാമ വെൽത്ത് മാനേജ്മെൻ്റ് ലിമിറ്റഡ്, എസ്ബിഐ ക്യാപിറ്റൽ മാർക്കറ്റ്സ് ലിമിറ്റഡ് എന്നിവരാണ് ഐപിഒയുടെ ബുക്ക് റണ്ണിങ് ലീഡ് മാനേജർമാര്‍.