ആളില്ലാത്ത വീട്ടില്‍ നിന്ന് 20 പവന്‍ മോഷണം പോയി

കോട്ടയം: ആളില്ലാത്ത വീട്ടില്‍ നിന്ന് 20 പവന്‍ മോഷണം പോയി. ഗാന്ധിനഗര്‍ മെഡിക്കല്‍ കോളേജ് ചെമ്മനംപടിയിലെ ആളില്ലാത്ത വീട് കുത്തിത്തുറന്നാണ് 20 പവന്‍ മോഷ്ടിച്ചത് . ആലപ്പാട്ട് ചന്ദ്രന്റെ വീട്ടിലാണ് മോഷണം നടന്നത്.മൂന്നാറിലെ മകന്റെ വീട്ടിലേക്ക് വീട്ടുകാര്‍ പോയ സമയത്ത് മോഷ്ടാക്കള്‍ വീട് കുത്തിത്തുറന്ന് മോഷണം നടത്തുകയായിരുന്നു .

വീട്ടുകാര്‍ മൂന്നാറില്‍നിന്ന് തിങ്കളാഴ്ച രാവിലെ തിരികെ എത്തിയ സമയത്തതാണ് മോഷണംനടന്ന വിവരമറിഞ്ഞത്. രണ്ടുനില വീടിന്റെ മുന്‍വാതിലിലെ ഒരു പാളി ഇളക്കിമാറ്റിയ ശേഷം മോഷ്ടാവ് വീടിനുള്ളില്‍ കടക്കുകയായിരുന്നു.

20 പവന്‍ സ്വര്‍ണമാണ് അലമാരയില്‍ സൂക്ഷിച്ചിരുന്നത് . വീടിനുള്ളില്‍ സാധനങ്ങള്‍ വാരിവലിച്ചിട്ട നിലയിലാണ്. അതേസമയം ലാപ്‌ടോപ്പോ മറ്റ് സാധനങ്ങളോ മോഷ്ടിച്ചിട്ടില്ല.സംഭവം അറിഞ്ഞ് ഗാന്ധിനഗര്‍ പൊലീസ് സ്ഥലത്തെത്തി അന്വേഷണം ആരംഭിച്ചിട്ടുണ്ട്.