സൗദിയിൽ ക്യാപ്റ്റഗൺ ഗുളികകൾ പിടികൂടി

സൗദിയിൽ ഇൻസുലേറ്റിംഗ് പാനലുകളിൽ ഒളിച്ചു കടത്താൻ ശ്രമിച്ച ക്യാപ്റ്റഗൺ ഗുളികകൾ പിടികൂടി. 15 ലക്ഷം നിരോധിത ഗുളികകളാണ് പിടികൂടിയത്. ജിദ്ദ ഇസ്‌ലാമിക് തുറമുഖം വഴി കടത്താൻ ശ്രമിക്കുന്നതിനിടെയാണ് പിടി വീണത്.

സൗദിയിൽ മയക്കുമരുന്ന് കടത്തിനെതിരെ പരിശോധന ശക്തമാക്കിയിരിക്കുകയാണ്. കഴിഞ്ഞ ദിവസങ്ങളിലായി പരാജയപ്പെടുത്തിയത് നിരവധി മയക്കുമരുന്ന് കടത്തുകളാണ്. 15 ലക്ഷം ക്യാപ്റ്റഗൺ ഗുളികകളാണ് കഴിഞ്ഞ ദിവസം പിടികൂടിയത്. ജിദ്ദ ഇസ്‌ലാമിക് തുറമുഖം വഴി കടത്താൻ ശ്രമിക്കുകയായിരുന്നു. വാഹനത്തിനകത്ത് ഇൻസുലേറ്റിംഗ് പാനലുകളിൽ ഒളിപ്പിച്ച നിലയിലായിരുന്നു ഗുളികകൾ. സകാത്ത് ടാക്‌സ് ആന്റ് കസ്റ്റംസ് അതോറിറ്റിയുടെ പരിശോധനയിലാണ് ഇവ പിടികൂടിയത്.