അശ്രദ്ധമായി വാഹനമോടിച്ചവർക്കെതിരേ കർശന നടപടി സ്വീകരിച്ച് ഉമ്മുൽഖുവൈൻ പോലീസ്

May 4, 2025

അശ്രദ്ധമായി വാഹനമോടിച്ചവർക്കെതിരേ കർശന നടപടി സ്വീകരിച്ച് ഉമ്മുൽഖുവൈൻ പോലീസ്. ശൈഖ് മുഹമ്മദ് ബിൻ സായിദ് റോഡിൽനിന്നാണ് അശ്രദ്ധമായി വാഹനമോടിച്ചവർക്കെതിരേ പിഴയും വാഹനങ്ങൾ പിടിച്ചെടുക്കലുമുൾപ്പെടെ നടപടി സ്വീകരിച്ചത്.

ഗതാഗതനിയമങ്ങൾ ലംഘിക്കുന്നവർക്കെതിരേ കർശന നടപടിയെടുക്കുമെന്നും അശ്രദ്ധമായ പെരുമാറ്റം അനുവദിക്കില്ലെന്നും ട്രാഫിക് ആൻഡ് പട്രോൾസ് ഡിപ്പാർട്ട്മെന്റ് ഡയറക്ടർ കേണൽ അഹമ്മദ് റാഷിദ് അൽ മസ്രൂയി പറഞ്ഞു.