കുവൈത്തിൽ അനധികൃത ക്രിപ്റ്റോ കറൻസി മൈനിങ് കണ്ടെത്തി

കുവൈത്തിലെ റസിഡൻഷ്യൽ ഏരിയകളിൽ അനധികൃതമായി ക്രിപ്റ്റോ കറൻസി മൈനിങ് നടത്തുന്നതായി കണ്ടെത്തി. അൽ വഫ്ര റെസിഡൻഷ്യൽ ഏരിയയിലെ 100 വീടുകളിൽ നിന്നും ക്രിപ്റ്റോ കറൻസി മൈനിങ് നടത്തുന്ന ഉപകരണങ്ങൾ അധികൃതർ പിടിച്ചെടുത്തിട്ടുണ്ട്.

കൂടിയ നിലയിലുള്ള വൈദ്യുതി ഉപയോഗം കാരണം അൽ വഫ്ര റെസിഡൻഷ്യൽ ഏരിയയിലെ 100 വീടുകളിൽ അംഗീകാരമില്ലാത്ത ക്രിപ്‌റ്റോ കറൻസി ഖനനം നടക്കുന്നതായി കണ്ടെത്തിയെന്ന് വൈദ്യുതി, ജലം, പുനരുപയോഗ ഊർജ്ജ മന്ത്രാലയത്തിന്റെ ഔദ്യോഗിക വക്താവ് എഞ്ചിനീയർ ഫാത്തിമ ജവ്ഹർ ഹയാത്ത് ആണ് അറിയിച്ചത്.