പുതിയ എഐ ഫീച്ചറുമായി ഗൂഗിൾ പേ

പുതിയ എഐ ഫീച്ചറുമായി ഗൂഗിൾ പേ.ഉപഭോക്താക്കള്‍ക്ക് വേഗത്തില്‍ ഇടപാട് നടത്താന്‍ പാകത്തിലുള്ള ഫീച്ചറാണ് ഗൂഗിള്‍ പേ അവതരിപ്പിക്കാനൊരുങ്ങുന്നത്.വോയിസ് കമാന്റ് വഴി അതായത് പറഞ്ഞ് കൊടുത്താല്‍ ഇടപാട് നടത്താനാകും എന്നാണ് പുതിയ ഫീച്ചര്‍. അടുത്ത് തന്നെ ഫീച്ചര്‍, ഗൂഗിള്‍ പേ ആപ്പില്‍ ലഭ്യമായിത്തുടങ്ങും എന്നാണ് റിപ്പോര്‍ട്ടുകള്‍. ഇന്ത്യയിലെ ഗൂഗിള്‍ പേയുടെ പ്രൊഡക്ട് മാനേജര്‍ ശരത് ബുലുസു ഇക്കാര്യം സ്ഥിരികരിക്കുന്നുണ്ട്. എന്നാല്‍ ഫീച്ചറിനെക്കുറിച്ച് കൂടുതല്‍ കാര്യങ്ങള്‍ അദ്ദേഹം വെളിപ്പെടുത്തുന്നില്ല.

ഗൂഗിള്‍ പേയില്‍ വോയ്സ് കമാന്‍ഡുകള്‍ അവതരിപ്പിക്കുന്നതോടെ, നിരക്ഷരര്‍ക്ക് പോലും ഓണ്‍ലൈന്‍ പേയ്മെന്റുകള്‍ നടത്തുന്നത് എളുപ്പമാകും. സ്‌കാൻ ചെയ്തും നമ്പർ കൊടുത്തുമൊക്കെയാണ് നിലവിൽ ഗൂഗിൾ പേയ്‌മെന്റിലൂടെ ഇടപാട് നടത്തുന്നത്. വോയിസ് കമാന്റ് കൂടി വരുന്നതോടെ കാര്യങ്ങൾ ഒന്നുകൂടി എളുപ്പമാകുമെന്നാണ് വിലയിരുത്തൽ.