മാർപാപ്പയുടെ രോഗ സൗഖ്യത്തിനായി സായഹ്ന പ്രാർത്ഥന നടത്തി

കൊച്ചി: ഫ്രാൻസിസ് മാർപാപ്പയുടെ രോഗ സൗഖ്യത്തിനായി കാത്തലിക്ക് നസ്രാണി അസോസിയേഷൻ (സിഎൻഎ ) സൗഖ്യദായ ജപമാല സായഹ്ന കൂട്ട പ്രാർത്ഥന നടത്തി.

ശ്വാസതടസ്സം മൂലം കഴിഞ്ഞ 14 നാണ് (ഫെബ്രുവരി 14) മാർപാപ്പയെ റോമിലെ ജമേലി ആശുപത്രിയിൽ പ്രവേശിപ്പിച്ചത്. മാർപാപ്പ ആശുപത്രി വിടുംവരെ അതിരൂപതയിലെ വിവിധ ഫൊറോന കേന്ദ്രങ്ങളിൽ സിഎൻഎയുടെ ആഭിമുഖ്യത്തിൽ പ്രാർത്ഥന കൂട്ടായ്മകൾ നടന്ന് വരുന്നതായി സി എൻ എ അതിരൂപത അൽമായ നേതാക്കൾ അറിയിച്ചു.

ഇടപ്പള്ളി, കാഞ്ഞൂർ, മലയാറ്റൂർ, കൊരട്ടി, അങ്കമാലി എന്നിവടങ്ങളിലെ വിവിധ കേന്ദ്രങ്ങളിൽ രോഗസൗഖ്യ പ്രാർത്ഥനകൾ നടന്ന് കഴിഞ്ഞതായി സിഎൻഎ നേതൃത്വം. അറിയിച്ചു.
മാർപാപ്പയുടെ രോഗമുക്തിക്കായി ജപമാല അർപ്പിച്ചാണ് പ്രാർത്ഥന നടത്തിവരുന്നത്
മാർപാപ്പയുടെ പൂർണ്ണ ആരോഗ്യത്തിനായുള്ള നിയോഗം വച്ചാണ്

പ്രാർത്ഥനകൾ നടത്തിയത്. തിരുസഭയെ ധീരമായി നയിക്കുന്നതിന് മാർപാപ്പക്ക് പൂർണ്ണ സൗഖ്യം ഉണ്ടാകട്ടെയെന്ന് കാത്തലിക്ക് നസ്രാണി അസോസിയേഷൻ പ്രാർത്ഥന നിയോഗ സമർപ്പണത്തിലൂടെ ആവശ്യപ്പെട്ടു. ഫ്രാൻസിസ് മാർപാപ്പയുടെ സമ്പൂർണ്ണ സൗഖ്യത്തിനായി പൂക്കളർപ്പിച്ചും, മെഴുക് തിരി കത്തിച്ചും,മുട്ട് കുത്തിയാണ്
പ്രാർത്ഥന ചടങ്ങ്കൾ ഓരോ ഇടങ്ങളിലും നടത്തുന്നത്. അദ്ധേഹത്തിന് പൂർണ്ണ ശക്തി ലഭിക്കുവാൻ വേണ്ടിയാണ് . മാർപാപ്പയുടെ ആരോഗ്യം
വീണ്ടെടുക്കലിനായി നടത്തിയ പ്രാർത്ഥന കൂട്ടായ്മയിൽ വിവിധ സ്ഥലങ്ങളിൽ അൽമായരും പൊതു സമൂഹവും ഉൾപ്പെടെ നിരവധി പേർ പങ്കാളികളായി.
കാത്തലിക്ക് നസ്രാണി അസോസിയേഷൻ ചെയർമാൻ ഡോ. എം.പി. ജോർജ്,കൺവീനർ ജോസ് പറേക്കാട്ടിൽ, ട്രഷറർ പോൾ സൺ കുടിയിരിപ്പിൽ, വക്താവ് ഷൈബി പാപ്പച്ചൻ അൽമായ നേതാക്കളായ ഷിജു സെബാസ്റ്റ്യൻ, കെ.ഡി. വർഗീസ്, പൗലോസ് കീഴ്ത്തറ, അമൽ ചെറുതുരുത്തി, ഷൈജൻ തോമസ് , ആൻ്റോ പല്ലിശേരി, ജോസ് വർക്കി, ബിജു നെറ്റിക്കാടൻ , എൻ. പി. ആൻ്റണി,ബൈജു തച്ചിൽ, ചെറിയാച്ചൻ കരിങ്ങേൻ, ഡേവീസ് ചൂരമന, വർഗീസ് ഇഞ്ചി പറമ്പിൽ, ബാബു സെബാസ്റ്റ്യൻ, എം.എ ജോർജ്, ഇ.പി. വർഗീസ് എന്നിവർ പ്രാർത്ഥന
കർമ്മങ്ങൾക്ക് നേതൃത്വം നൽകി.