കൊല്ലത്ത് കെ.എസ്.ആർ.ടി.സി ബസും കാറും കൂട്ടിയിടിച്ച്  ഏഴ് പേർക്ക് പരിക്ക്

കൊല്ലം: കെ.എസ്.ആർ.ടി.സി ബസും കാറും കൂട്ടിയിടിച്ച്  ഏഴ് പേർക്ക് പരിക്ക്. തിരുവനന്തപുരം വിമാനത്താവളത്തിൽ നിന്ന് മടങ്ങുകയായിരുന്ന കാറും അമിത വേഗത്തിൽ വന്ന കെ.എസ്.ആർ.ടി.സി ബസുമാണ് കൂട്ടിയിടിച്ചത്.

നിലമേലിൽ വൈകീട്ട് മൂന്നിനാണ് അപകടം നടന്നത്.പത്തനാപുരത്ത് നിന്ന് തിരുവനന്തപുരത്തേക്കുള്ള യാത്രയിലായിരുന്നു കെ.എസ്.ആർ.ടി.സി ബസ്. ഇടിയുടെ ആഘാതത്തിൽ കുറച്ച് ദൂരം മുന്നോട്ട് പോയതിന് ശേഷമാണ് ബസ് നിന്നത്. കാറിന്റെ മുൻഭാ​ഗം പൂർണമായും തകർന്നു. കാറിന്റെ മുൻസീറ്റിലുണ്ടായിരുന്ന രണ്ട് പേർക്ക് ​ഗുരുതരമായി പരിക്കേറ്റിട്ടുണ്ട്.