കഞ്ചാവുമായി യുവാവ് പിടിയിൽ

കുടയത്തൂർ : കഞ്ചാവുമായി യുവാവിനെ തൊടുപുഴ എക്സൈസ് അറസ്റ്റ് ചെയ്‌തു. കോളപ്ര ഏഴാംമൈലിൽ വാടകയ്ക്ക് താമസിക്കുന്ന അറക്കുളം സ്വദേശി സാജനാണ്(21) പിടിയിലായത്.

400 ഗ്രാം കഞ്ചാവ് പിടിച്ചെടുത്തു. തൊടുപുഴ എക്സൈസ് സർക്കിൾ ഓഫീസിൽനിന്നുള്ള സംഘം രഹസ്യവിവരത്തെ തുടർന്നാണ് പരിശോധന നടത്തിയത്.പ്രദേശത്ത് വരും ദിവസങ്ങളിലും ഉദ്യോഗസ്ഥർ പരിശോധന തുടരുമെന്ന് അറിയിച്ചു.