കേരളം ഒരു പുതിയ യുഗത്തിലേക്ക് കടന്നിരിക്കുകയാണെന്ന് മുഖ്യമന്ത്രി വി. ഡി. സതീശൻ. തിരഞ്ഞെടുപ്പ് വാഗ്ദാനങ്ങൾ പൂർണ്ണമായും പാലിക്കുമെന്നും അതിന്റെ ഭാഗമായി ‘ഇന്ദിരാ ഗ്യാരന്റികൾ’ നടപ്പിലാക്കുമെന്നും വാർത്താ സമ്മേളനത്തിൽ മുഖ്യമന്ത്രി വ്യക്തമാക്കി സംസ്ഥാനത്ത് വലിയ വികസന പദ്ധതികൾക്ക് തുടക്കം കുറിക്കുമെന്നും കേരളത്തെ ഒരു പ്രധാന ഏവിയേഷൻ ഹബ്ബാക്കി മാറ്റുമെന്നും മുഖ്യമന്ത്രി കൂട്ടിച്ചേർത്തു.
മുൻ മുഖ്യമന്ത്രി പിണറായി വിജയന്റെ വീട്ടിൽ എൻഫോഴ്സ്മെന്റ് ഡയറക്ടറേറ്റ് (ഇ.ഡി) നടത്തിയ റെയ്ഡിനെക്കുറിച്ച് മുഖ്യമന്ത്രി ആദ്യമായി പ്രതികരിച്ചു. റെയ്ഡ് നടക്കുന്ന വിവരം സംസ്ഥാന സർക്കാർ അറിഞ്ഞിരുന്നില്ലെന്ന് അദ്ദേഹം വ്യക്തമാക്കി. ഈ വിഷയത്തിൽ പ്രതിപക്ഷ നേതാവ് രാഹുൽ ഗാന്ധിയെ കുറ്റപ്പെടുത്തിയതിനെ പരാമർശിച്ച മുഖ്യമന്ത്രി, കേന്ദ്ര ഏജൻസികളുടെ നടപടികളെ വിമർശിക്കാൻ സർക്കാരിന് പ്രത്യേകിച്ച് പങ്കൊന്നുമില്ലെന്നും കൂട്ടിച്ചേർത്തു.
മാധ്യമപ്രവർത്തകരുടെ ചോദ്യങ്ങളോട് കടുത്ത ഭാഷയിലാണ് മുഖ്യമന്ത്രി പ്രതികരിച്ചത്. മാധ്യമങ്ങൾക്ക് മുന്നിൽ എപ്പോൾ മറുപടി പറയണമെന്ന് തീരുമാനിക്കാനുള്ള പൂർണ്ണമായ അവകാശം തനിക്കുണ്ടെന്ന് അദ്ദേഹം ഓർമ്മിപ്പിച്ചു. തന്റെ മറുപടിയും അതിന്റെ സമയവും നിശ്ചയിക്കേണ്ടത് മാധ്യമങ്ങളല്ലെന്ന് വ്യക്തമാക്കിക്കൊണ്ടാണ് അദ്ദേഹം മാധ്യമങ്ങളെ വിമർശിച്ചത്.