കക്കാടംപൊയിൽ ജീപ്പ് മറിഞ്ഞു; ദുരന്തം ഒഴിവായി

കൂടരഞ്ഞി : കക്കാടംപൊയിൽ ജീപ്പ് മറിഞ്ഞു ഉണ്ടായ അപകടത്തിൽ വൻ ദുരന്തം ഒഴിവായി. മലയോര ഹൈവേയിലെ കൂമ്പാറ കക്കാടംപൊയിൽ റോഡിൽ പീടികപ്പാറ ഒന്നാം വളവിന് സമീപത്തായിരുന്നു ജീപ്പ് താഴ്ചയിലേക്ക് മറിഞ്ഞ് വീഴുകയായിരുന്നു . ഇറക്കം കഴിഞ്ഞ് കക്കാടംപൊയിൽ നിന്ന് വന്ന
ജീപ്പാണ് അപകടത്തിൽപ്പെട്ടത്. അപകടം നടന്ന സമയത്ത് ജീപ്പ് താഴ്ചയിലേക്ക് മറിഞ്ഞ് മരത്തിൽ തങ്ങിനിന്നതിനാൽ ദുരന്തം ഒഴിവായെന്നാണ് ദൃക്‌സാക്ഷികൾ പറയുന്നത് . ഉടൻ ഇത് അറിഞ്ഞ് നാട്ടുകാരുടെ നേതൃത്വത്തിൽ രക്ഷാപ്രവർത്തനത്തിൽ മുഴുവൻ പേരെയും പുറത്തെടുത്ത് മണാശേരിയിലെ സ്വകാര്യ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരിക്കുവാണ് .

ജീപ്പിലുണ്ടായിരുന്ന യാത്രക്കാർ എല്ലാവരും കൊടുവള്ളി വട്ടോളി സ്വദേശികളാണെന്നാണ് നിഗമനം. അപകടത്തിൽ യാത്രക്കാർക്ക് പരിക്കുകളില്ലെന്ന് ആശുപത്രി അധികൃതർ അറിയിച്ചിരിക്കുന്നത് . എട്ടുപേരുമായി കക്കാടംപൊയിൽ നിന്നും എട്ടുപേരുമായി എത്തിയ വണ്ടിയാണ് വൈകിട്ട് 6 മണിയോടെ അപകടത്തിൽ പെട്ടത്