ഗൂഗിള്‍ മാപ്പ് നോക്കി കാറില്‍ സഞ്ചരിച്ച സംഘം തോട്ടില്‍ വീണു

കോട്ടയം: ഗൂഗിള്‍ മാപ്പ് നോക്കി കാറില്‍ സഞ്ചരിച്ച സംഘം തോട്ടില്‍ വീണു. കുറുപ്പന്തറ കടവുപാലത്തിന് സമീപo പുലര്‍ച്ചെ മൂന്ന് മണിയോടെയാണ് സംഭവം നടന്നത് . അപകടത്തിൽ പെട്ടവരെ പൊലീസും നാട്ടുകാരും ചേര്‍ന്ന് യാത്രക്കാരെ രക്ഷപ്പെടുത്തുകയായിരുന്നു .

ഹൈദരാബാദില്‍ നിന്നുള്ള യാത്രാ സംഘമാണ് അപകടത്തിൽ പെട്ടത് . ചേര്‍ത്തല കമ്പം മിനി ഹൈവേയിലൂടെ മൂന്നാറില്‍ നിന്നും ആലപ്പുഴയിലേക്ക് പോകുമ്പോഴാണ് സംഭവം. ഗൂഗിള്‍ മാപ്പില്‍ തെറ്റായി അടയാളപ്പെടുത്തിയിട്ടുള്ളതിനാല്‍ പലര്‍ക്കും വഴിതെറ്റുന്നത് പതിവാണ് .
ഇവരുടെ ബഹളം കേട്ട് നാട്ടുകാര്‍ ഓടിഎത്തുകയും ചെയ്തു . അതേസമയം വാഹനത്തിന്റെ വേഗത കുറച്ചത് അപകടം ഒഴിവായി അതുകൊണ്ട് യാത്രക്കാര്‍ക്ക് രക്ഷപ്പെടാനായി. വാഹനം കരയിലെത്തിക്കാനുള്ള ശ്രമം തുടരുകയാണ്.