ഓപ്പറേഷൻ ആഗും ഡി ഹണ്ടും വന്നു ; ഇതുവരെ പിടിയിലായത് 983 ക്രിമിനലുകൾ

കോഴിക്കോട് : ഓപ്പറേഷൻ ആഗും ഡി ഹണ്ടും വന്നു ഇതുവരെ പിടിയിലായത് 983 ക്രിമിനലുകൾ. ഗുണ്ടാ–ലഹരിമാഫിയ വിളയാട്ടം സംസ്ഥാനത്ത് കൂടിയ സാഹചര്യത്തിൽ ആക്‌ഷൻ എഗെൻസ്റ്റ് ഗുണ്ട (ആഗ്) എന്ന പേരിലാണ് പൊലീസ് മേയ് 15ന് ഓപ്പറേഷൻ ആരംഭിച്ചത് . ആഗിനൊപ്പം നടന്നുവരുന്ന ലഹരിമാഫിയാ വേട്ടയാണ് ഡി ഹണ്ട്.

ഓപ്പറേഷൻ ആഗിൽ സിറ്റി പൊലീസ് 313 പേർക്കെതിരെ നടപടിയെടുത്തു. റൂറൽ പൊലീസ് 670 പേരെ പിടികൂടി. ഗുണ്ടകളും ലഹരിമാഫിയകളും ഒത്തുചേരുന്ന പ്രദേശങ്ങൾ തിരിച്ചറിഞ്ഞ് ഇവിടങ്ങളിൽ പെട്ടെന്നാണ് റെയ്ഡുകൾ നടത്തിയത് .റൂറൽ പൊലീസ് മാത്രം കഴിഞ്ഞ ഒരാഴ്ചയ്ക്കിടെ 340 റെയ്ഡുകൾ നടത്തിയതായി അധികൃതർ പറഞ്ഞത്. ഗുണ്ടാശല്യം രൂക്ഷമാക്കുന്നതിനാൽ കാപ്പ ഉൾപ്പെടെയുള്ള കേസുകൾ ചുമത്തി അമർച്ച ചെയ്യാനാണ് ലക്ഷ്യം.